'ರೈತರನ್ನು ಬೆಂಬಲಿಸುವವರ ವಿರುದ್ದ ಮೋದಿ ಸರ್ಕಾರ ಐಟಿ ದಾಳಿ ಅಸ್ತ್ರ ಪ್ರಯೋಗಿಸುತ್ತಿದೆ' - ರಾಹುಲ್‌

•   Thu, Mar 04 2021 01:44:56 PM



• ನವದೆಹಲಿ, ಮಾ.04 (DaijiworldNews/PY): "ಪ್ರಧಾನಿ ಮೋದಿ ನೇತೃತ್ವದ ಸರ್ಕಾರ, ರೈತರ ಪರವಾಗಿರುವವರ ವಿರುದ್ದ ಮುಂದಾಗಿದ್ದು, ಅವರ ಮೇಲೆ ಐಟಿ ದಾಳಿ ಎನ್ನುವ ಅಸ್ತ್ರವನ್ನು ಪ್ರಯೋಗ ಮಾಡುತ್ತಿದೆ" ಎಂದು ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ ಹೇಳಿದ್ದಾರೆ.

  

  ಈ ಬಗ್ಗೆ ಟ್ವೀಟ್‌ ಮಾಡಿರುವ ಅವರು, "ಐಟಿ ಏಜೆನ್ಸಿಯು ಕೇಂದ್ರ ಸರ್ಕಾರದ ತಾಳಕ್ಕೆ ತಕ್ಕಂತೆ ಕುಣಿಯುತ್ತಿದೆ. ರೈತರ ಪರವಾಗಿರುವವರನ್ನು ಟಾರ್ಗೆಟ್‌ ಮಾಡಿದೆ" ಎಂದು ಆರೋಪಿಸಿದ್ದಾರೆ.

  ಐಟಿ ಅಧಿಕಾರಿಗಳು ನಿರ್ಮಾಪಕ ಅನುರಾಗ್‌ ಕಶ್ಯಪ್‌ ಹಾಗೂ ಬಾಲಿವುಡ್‌ ನಟಿ ತಾಪ್ಸಿ ಪನ್ನು ಹಾಗೂ ಮತ್ತಿತರರ ಮನೆ ಮೇಲೆ ದಾಳಿ ನಡೆಸಿದ ಬಳಿಕ ಮೋದಿ ಸರ್ಕಾರದ ವಿರುದ್ದ ರಾಹುಲ್‌ ಗಾಂಧಿ ವಾಗ್ದಾಳಿ ನಡೆಸಿದ್ದಾರೆ.