ಶೂಟಿಂಗ್‌ ವೇಳೆ ಪೆಟ್ರೋಲ್‌‌‌‌ ಬಾಂಬ್‌ ಸ್ಪೋಟ - ಅಪಾಯದಿಂದ ಪಾರಾದ ರಿಷಬ್‌‌ ಶೆಟ್ಟಿ

•   Mon, Mar 01 2021 12:39:23 PM



• ಹಾಸನ, ಮಾ.01 (DaijiworldNews/PY): ಹೀರೋ ಸಿನಿಮಾದ ಶೂಟಿಂಗ್‌ ಸಂದರ್ಭ ಸ್ಯಾಂಡಲ್‌ವುಡ್‌ ನಟ ರಿಷಬ್‌‌‌ ಶೆಟ್ಟಿ ಅವರಿಗೆ ಬೆಂಕಿ ತಗುಲಿರುವ ಘಟನೆ ಹಾಸನ ಜಿಲ್ಲೆಯ ಬೇಲೂರಿನಲ್ಲಿ ನಡೆದಿದೆ.

  

  ಬೇಲೂರಿನಲ್ಲಿ ಹೀರೋ ಚಿತ್ರೀಕರಣ ನಡೆಯುತ್ತಿದ್ದು, ಈ ವೇಳೆ ಪೆಟ್ರೋಲ್‌ ಬಾಂಬ್‌ ಸಿಡಿಲಾಗಿತ್ತು. ಈ ವೇಳೆ ರಿಷಬ್‌ ಶೆಟ್ಟಿ ಅವರ ತಲೆ ಹಾಗೂ ಬೆನ್ನಿಗೆ ಗಾಯವಾಗಿದೆ. ಅದೃಷ್ಟವಶಾತ್‌ ರಿಷಬ್‌ ಅವರು ಅಪಾಯದಿಂದ ಪಾರಾಗಿದ್ದಾರೆ.

  ಸಿನಿಮಾ ಸೆಟ್‌ನಲ್ಲಿ ಬೆಂಕಿ ಕಾಣಿಸಿಕೊಳ್ಳುತ್ತಿದ್ದ ಕೂಡಲೇ ಶೂಟಿಂಗ್‌ ಸಿಬ್ಬಂದಿಗಳು ರಿಷಬ್‌ ಶೆಟ್ಟಿ ಅವರನ್ನು ರಕ್ಷಿಸಿದ್ದಾರೆ. ನಂತರ ಶೂಟಿಂಗ್‌ ಅನ್ನು ಕೆಲಕಾಲ ಸ್ಥಗಿತಗೊಳಿಸಲಾಗಿತ್ತು.

  ರಿಷಬ್‌ ಶೆಟ್ಟಿ ನಿರ್ದೇಶನದ ಹೀರೋ ಸಿನೆಮಾ ಸ್ಯಾಂಡಲ್‌ವುಡ್‌‌ನ ಬಹುನಿರೀಕ್ಷಿತ ಸಿನಿಮಾವೂ ಆಗಿದೆ. ಮಗಳು ಜಾನಕಿ ಖ್ಯಾತಿಯ ಗಾನವಿ ಅವರು ರಿಷಬ್‌ ಅವರಿಗೆ ನಾಯಕಿಯಾಗಿ ನಟಿಸುತ್ತಿದ್ದಾರೆ.