'ದೇಶದಲ್ಲಿ ಕೊರೊನಾ ವಿರುದ್ಧ ಸುಮಾರು 18 -19 ಲಸಿಕೆಗಳು ಸಿದ್ಧವಾಗುತ್ತಿದೆ' - ಸಚಿವ ಹರ್ಷವರ್ಧನ್

•   Mon, Feb 15 2021 08:43:21 PM



• ನವದೆಹಲಿ, ಫೆ.15 (DaijiworldNews/HR): "ಭಾರತದಲ್ಲಿ ಕೊರೊನಾ ವಿರುದ್ಧ ಸುಮಾರು 18 ರಿಂದ 19 ಲಸಿಕೆಗಳು ಸಿದ್ಧವಾಗುತ್ತಿದ್ದು, ಅವೆಲ್ಲವು ಕ್ಲಿನಿಕಲ್ ಪ್ರಯೋಗದ ವಿವಿಧ ಹಂತಗಳಲ್ಲಿವೆ" ಎಂದು ಕೇಂದ್ರ ಆರೋಗ್ಯ ಸಚಿವ ಹರ್ಷವರ್ಧನ್ ಹೇಳಿದ್ದಾರೆ.

  

  ಈ ಕುರಿತು ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, "ಮುಂಬರುವ 2 ರಿಂದ 3 ವಾರಗಳಲ್ಲಿ 50 ವರ್ಷಕ್ಕಿಂತ ಮೇಲ್ಪಟ್ಟವರಿಗೆ ಕೊರೊನಾ ಲಸಿಕೆ ನೀಡಲಿದ್ದು, 20 ರಿಂದ 25 ದೇಶಗಳಿಗೆ ಕೊರೊನಾ ಲಸಿಕೆ ಸರಬರಾಜು ಮಾಡುವ ಯೋಜನೆಯನ್ನು ರೂಪಿಸಲಾಗಿದೆ" ಎಂದರು.

  ಇನ್ನು "ದೇಶದಲ್ಲಿ ಕಳೆದ 21 ದಿನಗಳಿಂದ 21 ಜಿಲ್ಲೆಗಳಲ್ಲಿ ಶೂನ್ಯ ಕೊರೊನಾ ಪ್ರಕರಣ ದಾಖಲಾಗಿದೆ, ಆದರೆ ಕೊರೊನಾದ ಕುರಿತು ಜಾಗೃತರಾಗಿದ್ದು, ಮಾರ್ಗಸೂಚಿಗಳನ್ನು ಕಡ್ಡಾಯವಾಗಿ ಪಾಲಿಸ ಬೇಕು" ಎಂದು ಹೇಳಿದ್ದಾರೆ.