ಟೂಲ್‌ ಕಿಟ್‌ ಪ್ರಕರಣ - ಮತ್ತೆ ಇಬ್ಬರಿಗೆ ಜಾಮೀನು ರಹಿತ ವಾರಂಟ್‌‌ ಹೊರಡಿಸಿ ದೆಹಲಿ ಪೊಲೀಸರು

•   Mon, Feb 15 2021 04:30:04 PM



• ನವದೆಹಲಿ, ಫೆ.15 (DaijiworldNews/PY): ರೈತರ ಪ್ರತಿಭಟನೆಯ ವಿಚಾರದಲ್ಲಿ ಸ್ವೀಡಿಷ್‌ ಸಾಮಾಜಿಕ ಹೋರಾಟಗಾರ್ತಿ ಗ್ರೆಟಾ ಥಂಬರ್ಗ್‌‌‌ ಅವರ ಜೊತೆ ಟೂಲ್‌‌ ಜಿಟ್‌ ಹಂಚಿಕೊಂಡಿದ್ದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇನ್ನೂ ಇಬ್ಬರ ವಿರುದ್ದ ಜಾಮೀನು ರಹಿತ ವಾರಂಟ್‌‌ ಹೊರಡಿಸಿರುವುದಾಗಿ ದೆಹಲಿ ಪೊಲೀಸರು ಹೇಳಿದ್ದಾರೆ.

  
  ಸಾಂದರ್ಭಿಕ ಚಿತ್ರ

  ಪರಿಸರ ಕಾರ್ಯಕರ್ತೆ ದಿಶಾ ರವಿ ಅವರನ್ನು ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಂಧಿಸಿದ ಎರಡು ದಿನಗಳ ನಂತರ ನಿಕಿತಾ ಜೋಕೋಬ್‌ ಹಾಗೂ ಶಾಂತನು ಎನ್ನುವವರ ವಿರುದ್ದ ದೆಹಲಿ ಪೊಲೀಸರು ಜಾಮೀನು ರಹಿತ ವಾರೆಂಟ್‌ ಹೊರಡಿಸಿದ್ದಾರೆ.

  ಈ ಇಬ್ಬರೂ ಕೂಡಾ ಟೂಲ್‌‌ ಕಿಟ್‌‌ ಸಿದ್ದಪಡಿಸುವಲ್ಲಿ ಪಾಲ್ಗೊಂಡಿದ್ದು, ಖಲಿಸ್ತಾನಿ ಪರ ವ್ಯಕ್ತಿಗಳ ಜೊತೆ ನೇರ ಸಂಪರ್ಕದಲ್ಲಿದ್ದಾರೆ ಎಂದು ಪೊಲೀಸರು ಹೇಳಿದ್ದಾರೆ.

  ಟೂಲ್‌ ಕಿಟ್‌ ಸಂಬಂಧ ಬೆಂಗಳೂರಿನಲ್ಲಿ ಬಂಧಿತರಾಗಿರುವ ಪರಿಸರ ಕಾರ್ಯಕರ್ತೆ ದಿಶಾ ರವಿ ಅವರನ್ನು ಐದು ದಿನಗಳ ಕಾಲ ಪೊಲೀಸ್ ವಶಕ್ಕೆ ನೀಡಲಾಗಿದೆ.