ಮಹಾರಾಷ್ಟ್ರದಲ್ಲಿ ಟ್ರಕ್‌ ಉರುಳಿ 16 ಕಾರ್ಮಿಕರು ಮೃತ್ಯು, ಐವರಿಗೆ ಗಂಭೀರ ಗಾಯ

•   Mon, Feb 15 2021 10:37:03 AM



• ಜಲಗಾಂವ್, ಫೆ.15(DaijiworldNews/PY): ಮಹಾರಾಷ್ಟ್ರದಲ್ಲಿ ಟ್ರಂಕ್‌ ಉರುಳಿ ಸಂಭವಿಸಿದ ಭೀಕರ ಅಪಘಾತದಲ್ಲಿ 16 ಕಾರ್ಮಿಕರು ಮೃತಪಟ್ಟಿದ್ದಾರೆ.

  
  ಸಾಂದರ್ಭಿಕ ಚಿತ್ರ

  ಮಹಾರಾಷ್ಟ್ರದ ಜಲಂಗಾವ್‌‌ ಜಿಲ್ಲೆಯ ಯವಲ್‌ ತಾಲೂಕಿನ ಕಿಂಗೌನ್‌‌ ಗ್ರಾಮದ ಸಮೀಪ ರವಿವಾರ ತಡರಾತ್ರಿ ಈ ಘಟನೆ ಸಂಭವಿಸಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

  ಸಾವನ್ನಪಿದ ಕಾರ್ಮಿಕರು ಕೆರ್ಹಾಲಾ, ಅಭೋದಾ ಹಾಗೂ ರಾವರ್‌ ಪ್ರದೇಶಕ್ಕೆ ಸೇರದವರು ಎಂದು ಗುರುತಿಸಲಾಗಿದೆ.

  ಪಪ್ಪಾಯಿ ತುಂಬಿಕೊಂಡು ಹೋಗುತ್ತಿದ್ದ ಟ್ರಕ್‌‌‌‌ ಕಿಂಗೌನ್‌‌‌ ಗ್ರಾಮದ ದೇವಸ್ಥಾನವೊಂದರ ಬಳಿ ಮಗುಚಿ ಬಿದ್ದಿದೆ.

  ಘಟನೆಯಲ್ಲಿ ಐವರು ಕಾರ್ಮಿಕರಿಗೆ ಗಂಭೀರ ಗಾಯಗಳಾಗಿದ್ದು, ಅವರನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.

  ಅಪಘಾತಕ್ಕೆ ನಿಖರವಾದ ಕಾರಣ ತಿಳಿದುಬಂದಿಲ್ಲ. ಘಟನೆಯ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ.

  "ಮಹಾರಾಷ್ಟ್ರದಲ್ಲಿ ಸಂಭವಿಸಿದ ಭೀಕರ ಅಪಘಾತದ ಸುದ್ದಿ ತಿಳಿದು ಆಘಾತವಾಗಿದೆ. ಮೃತರ ಕುಟುಂಬ ಸದಸ್ಯರಿಗೆ ಸಂತಾಪಗಳು, ಗಾಯಾಳುಗಳು ಸೂಕ್ತವಾದ ಚಿಕಿತ್ಸೆ ಪಡೆದು ಕೂಡಲೇ ಚೇತರಿಸಿಕೊಳ್ಳಲಿ ಎಂದು ಆಶಿಸುತ್ತೇನೆ" ಎಂದು ಪ್ರಧಾನಿ ನರೇಂದ್ರ ಮೋದಿ ತಿಳಿಸಿದ್ದಾರೆ.