ತೈಲೋತ್ಪನ್ನಗಳ ಬೆಲೆ ಹೆಚ್ಚಳ -ಪೆಟ್ರೋಲ್‌, ಡೀಸೆಲ್‌ ದರ ಮತ್ತೆ ಏರಿಕೆ

•   Mon, Feb 15 2021 08:34:11 AM



• ನವದೆಹಲಿ, ಫೆ.15(DaijiworldNews/PY): ದೇಶದಲ್ಲಿ ಸೋಮವಾರ ಪುನಃ ತೈಲ ಬೆಲೆ ಏರಿಕೆಯಾಗಿದ್ದು, ಇಂದು ಕೂಡಾ ಪೆಟ್ರೋಲ್‌‌, ಡೀಸೆಲ್‌‌ ದರ ಏರಿಕೆಯಾಗಿವೆ.

  

  ದೇಶದಲ್ಲಿ ತೈಲೋತ್ಪನ್ನಗಳ ಬೆಲೆ 26 ರಿಂದ 29 ಪೈಸೆಯಷ್ಟು ಏರಿಕೆ ಕಂಡಿದೆ.

  ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಪೆಟ್ರೋಲ್‌‌‌‌ ಬೆಲೆ 26 ಪೈಸೆ ಏರಿಕೆಯಾಗಿದ್ದು, 88.99 ರೂ ಗೆ ನಷ್ಟಿದೆ. ಡೀಸೆಲ್‌‌ ಬೆಲೆ 79.35ರೂ. ಗೆ ಏರಿಕೆಯಾಗಿದೆ.

  ಮುಂಬೈನಲ್ಲಿ ಪ್ರತೀ ಲೀಟರ್‌ ಪೆಟ್ರೋಲ್‌‌ ಬೆಲೆ 95.44 ರೂ.ಗೆ ಏರಿಕೆಯಾಗಿದ್ದರೆ, ಡೀಸೆಲ್‌‌ ಬೆಲೆ 86.33ರೂ. ಗೆ ಹೆಚ್ಚಿದೆ. ಬೆಂಗಳೂರಿನಲ್ಲಿ , ಪ್ರತಿ ಲೀಟರ್ ಪೆಟ್ರೋಲ್ ದರ 91.95ರೂ ಹಾಗೂ ಡೀಸೆಲ್‌ ದರ 84.10 ರೂ. ಗೆ ಏರಿಕೆಯಾಗಿದೆ.

  ಕೋಲ್ಕತ್ತಾದಲ್ಲಿ ಪ್ರತೀ ಲೀಟರ್ ಪೆಟ್ರೋಲ್ 90.24 ರೂ.ಗೆ ಏರಿಕೆಯಾದರೆ, ಡೀಸೆಲ್‌ ಬೆಲೆ 82.92 ರೂ.ಗೆ ಏರಿಕೆಯಾಗಿದೆ. ಚೆನ್ನೈನಲ್ಲಿ ಪ್ರತೀ ಲೀಟರ್ ಪೆಟ್ರೋಲ್ ಬೆಲೆ 91.17 ರೂ. ಹಾಗೂ ಡೀಸೆಲ್ ಬೆಲೆ 84.42 ರೂ. ಗೆ ಹೆಚ್ಚಿದೆ.