ಗ್ರೆಟಾ ಥಂಬರ್ಗ್ ಟೂಲ್‌ಕಿಟ್‌ ಎಡಿಟ್ ಮಾಡಿದ್ದೆ ಎಂದ ಯುವ ಹೋರಾಟಗಾರ್ತಿ ದಿಶಾ 5 ದಿನ ಪೊಲೀಸ್ ವಶಕ್ಕೆ

•   Sun, Feb 14 2021 06:41:57 PM



• ನವದೆಹಲಿ:,ಫೆ. 14 (DaijiworldNews/HR): ರೈತರ ಹೋರಾಟವನ್ನು ಬೆಂಬಲಿಸಿ ಟ್ವೀಟ್‌ ಮಾಡುವ ಸಂದರ್ಭ ಸ್ವೀಡಿಷ್‌ ಸಾಮಾಜಿಕ ಹೋರಾಟಗಾರ್ತಿ ಗ್ರೆಟಾ ಥಂಬರ್ಗ್‌‌‌ ಹಂಚಿಕೊಂಡಿದ್ದ ಟೂಲ್‌ ಕಿಟ್‌ ಸಂಬಂಧ ಬೆಂಗಳೂರಿನಲ್ಲಿ ಬಂಧಿತರಾಗಿರುವ ಪರಿಸರ ಕಾರ್ಯಕರ್ತೆ ದಿಶಾ ರವಿ ಅವರನ್ನು ಐದು ದಿನಗಳ ಕಾಲ ಪೊಲೀಸ್ ವಶಕ್ಕೆ ನೀಡಲಾಗಿದೆ ಎಮ್ದು ತಿಳಿದು ಬಂದಿದೆ.

  

  ಬೆಂಗಳೂರಿನ ಪ್ರಸಿದ್ಧ ಮೌಂಟ್‌ ಕಾರ್ಮೆಲ್‌ ಮಹಿಳಾ ಕಾಲೇಜಿನ ವಿದ್ಯಾರ್ಥಿ ದಿಶಾ ರವಿ ಅವರನ್ನು ಪೊಲೀಸರು ಬಂಧಿಸಿ ದೆಹಲಿಯ ಪಟಿಯಾಲ ಹೌಸ್​ ಕೋರ್ಟ್​ ಎದುರು ಹಾಜರುಪಡಿಸಿದ್ದು, ಕೋರ್ಟ್​ ದಿಶಾ ಅವರನ್ನು ಐದು ದಿನ ಪೊಲೀಸ್​ ಕಸ್ಟಡಿಗೆ ನೀಡಿದೆ ಎನ್ನಲಾಗಿದೆ.

  ಇನ್ನು ವಿಚಾರಣೆ ವೇಳೆ ದಿಶಾರವಿ ಅವರು ಮಾತನಾಡಿ, "ಗ್ರೆಟಾಥನ್ಬರ್ಗ್ ಅವರ ಟೂಲ್ ಕಿಟ್ ಅಂಶದ 2 ಸಾಲುಗಳನ್ನು ಮಾತ್ರ ನಾನು ಎಡಿಟ್ ಮಾಡಿದ್ದೆ, ಜೊತೆಗೆ ರೈತರ ಹೋರಾಟವನ್ನು ಬೆಂಬಲಿಸುತ್ತೇನೆ" ಎಂದು ಹೇಳಿರುವುದಾಗಿ ವರದಿಯಾಗಿದೆ.