ಮಲಯಾಳಂನ ಹಿರಿಯ ಗಾಯಕ ಎಂ.ಎಸ್ ನಸೀಂ ನಿಧನ

•   Wed, Feb 10 2021 02:19:16 PM



• ತಿರುವನಂತಪುರ, ಫೆ.10 (DaijiworldNews/MB) : ಮಲಯಾಳಂನ ಹಿರಿಯ ಗಾಯಕ ಎಂ.ಎಸ್ ನಸೀಂ ಅವರು ದೀರ್ಘಕಾಲದ ಅನಾರೋಗ್ಯದಿಂದಾಗಿ ಖಾಸಗಿ ಆಸ್ಪತ್ರೆಯಲ್ಲಿ ಬುಧವಾರ ನಿಧನರಾದರು. ಅವರಿಗೆ 16 ವರ್ಷಗಳ ಹಿಂದೆ ಪಾರ್ಶ್ವವಾಯು ಕಾಣಿಸಿಕೊಂಡಿದ್ದು ಅವರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು.

  

  ನಸೀಂ ಅವರ ನಿಧನಕ್ಕೆ ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್‌ ಸಂತಾಪ ಸೂಚಿಸಿದ್ದಾರೆ. ನಸೀಂ ಅವರು ಗಾನಮೇಳದ ಮೂಲಕ ಪ್ರಸಿದ್ಧಿ ಪಡೆದು, ಜನರ ಹೃದಯಕ್ಕೆ ಹತ್ತಿರವಾದರು ಎಂದು ಹೇಳಿದರು.

  ಮೊಹಮ್ಮದ್‌ ರಫಿ ಮತ್ತು ಬಾಬುರಾಜು ಅವರ ಗೀತೆಗಳನ್ನು ದೂರದರ್ಶನ, ಆಕಾಶವಾಣಿ ಮತ್ತು ಇತರೆ ಕಾರ್ಯಕ್ರಮಗಳಲ್ಲಿ ಎಂ.ಎಸ್ ನಸೀಂ ಅವರು ಹಾಡಿ ಕೇಳುಗರು ಹಾಗೂ ಪ್ರೇಕ್ಷಕರನ್ನು ರಂಜಿಸುತ್ತಿದ್ದರು. ಸಿನಿಮಾದಲ್ಲಿಯೂ ಅವರು ಹಾಡಿದ್ದಾರೆ.

  1992,1993,1995 ಮತ್ತು 1997ರಲ್ಲಿ ನಸೀಂ ಅವರಿಗೆ ಅತ್ಯುತ್ತಮ ಕಿರುತೆರೆ ಗಾಯಕ ಪ್ರಶಸ್ತಿ ಮತ್ತು ಕೇರಳ ಸಂಗೀತ ನಾಟಕ ಅಕಾಡೆಮಿ ಪ್ರಶಸ್ತಿ ಲಭಿಸಿದೆ.