ಜಮ್ಮು: ಪಾ‌ಕ್‌ ನುಸುಳುಕೋರನನ್ನು ಗುಂಡಿಕ್ಕಿ ಹತ್ಯೆಗೈದ ಬಿಎಸ್‌ಎಫ್‌ ಯೋಧರು

•   Mon, Feb 08 2021 05:02:38 PM



• ಜಮ್ಮು, ಫೆ.08 (DaijiworldNews/MB) : ಗಡಿ ಭದ್ರತಾ ಪಡೆಯ (ಬಿಎಸ್‌ಎಫ್‌) ಯೋಧರು ಪಾಕಿಸ್ತಾನದ ನುಸುಳುಕೋರನನ್ನು ಅಂತರರಾಷ್ಟ್ರೀಯ ಗಡಿಯ ಬಳಿ ಸೋಮವಾರ ಗುಂಡಿಕ್ಕಿ ಹತ್ಯೆಗೈದಿದ್ದಾರೆ.

  

  ಈ ಬಗ್ಗೆ ಮಾಹಿತಿ ನೀಡಿದ ಬಿಎಸ್‌ಎಫ್‌ ವಕ್ತಾರ, ''ಜಮ್ಮು ಮತ್ತು ಕಾಶ್ಮೀರದ ಸಾಂಬಾ ಸೆಕ್ಟರ್‌ನ ಚಕ್ ಫಕ್ವಿರಾ ಗಡಿ ಪೋಸ್ಟ್ ಬಳಿ ಪಾಕ್‌ ನುಸುಳುಕೋರರನ್ನು ಬೆಳಿಗ್ಗೆ 9.45 ರ ಸುಮಾರಿಗೆ ಬಿಎಸ್‌ಎಫ್‌ ಯೋಧರು ಹೊಡೆದುರುಳಿಸಿದ್ದಾರೆ'' ಎಂದು ತಿಳಿಸಿದ್ದಾರೆ.

  ''ನುಸುಳುಕೋರನಿಗೆ ಹಲವು ಬಾರಿ ಎಚ್ಚರಿಕೆ ನೀಡಲಾಗಿದೆ. ಆದರೆ ಆತ ಗಡಿ ದಾಟುವ ಯತ್ನ ಮಾಡಿದ್ದು ಆತನಿಗೆ ಗುಂಡು ಹಾಕಬೇಕಾಯಿತು'' ಎಂದಿದ್ದಾರೆ.

  ''ಅಂತರರಾಷ್ಟ್ರೀಯ ಗಡಿಯಿಂದ 40 ಮೀಟರ್‌ ದೂರದಲ್ಲಿ ಭಾರತದ ಒಳಗೆ ಅವನ ಮೃತ ದೇಹ ಪತ್ತೆಯಾಗಿದೆ'' ಎಂದು ಕೂಡಾ ಅವರು ಹೇಳಿದ್ದಾರೆ.