ರಾಜಸ್ಥಾನ: ಜೀಪ್‌ಗೆ ಟ್ರಕ್‌ ಡಿಕ್ಕಿ - 8 ಮಂದಿ ಮೃತ್ಯು

•   Wed, Jan 27 2021 01:39:47 PM



• ಜೈ‍ಪುರ, ಜ.27 (DaijiworldNews/MB) : ಜೀಪ್‌ಗೆ ಟ್ರಕ್‌ ಡಿಕ್ಕಿ ಹೊಡೆದ ಪರಿಣಾಮ 8 ಮಂದಿ ಮೃತಪಟ್ಟು ಹಲವರು ಗಾಯಗೊಂಡ ಘಟನೆ ರಾಜಸ್ಥಾನದ ಟೊಂಕ್‌ ಜಿಲ್ಲೆಯಲ್ಲಿ ನಡೆದಿದೆ.

  

  ಈ ಬಗ್ಗೆ ಮಾಹಿತಿ ನೀಡಿರುವ ಟೊಂಕ್‌ ಸರ್ದಾರ್‌ ಪೊಲೀಸ್‌ ಠಾಣೆಯ ವರಿಷ್ಠಾಧಿಕಾರಿ ದಶರಥ್‌ ಸಿಂಗ್‌, ''ಮಧ್ಯಪ್ರದೇಶದ ರಾಜ್‌ಗಡ್‌ ನಿವಾಸಿಗಳು ತಮ್ಮ ಮನೆಗೆ ವಾಪಾಸ್‌ ತೆರಳುತ್ತಿದ್ದ ವೇಳೆ ಈ ಘಟನೆ ನಡೆದಿದೆ. ಪ್ರಯಾಣಿಕರನ್ನು ಕರೆದೊಯ್ಯುತ್ತಿದ್ದ ಜೀಪ್‌ಗೆ ಟ್ರಕ್‌ ಹಿಂಬದಿಯಿಂದ ಡಿಕ್ಕಿ ಹೊಡೆದಿರುವ ಘಟನೆ ಮಂಗಳವಾರ ತಡರಾತ್ರಿ 2.15 ಕ್ಕೆ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಘಟಿಸಿದೆ. ಈ ಸಂದರ್ಭ 8 ಮಂದಿ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಇನ್ನುಳಿದವರಿಗೆ ಗಾಯವಾಗಿದೆ. ಗಾಯಗೊಂಡವರನ್ನು ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ'' ಎಂದು ತಿಳಿಸಿದ್ದಾರೆ.