ಕಾಸರಗೋಡು: 35 ದಿನಗಳ ಬಳಿಕ ನೂರರ ಗಡಿ ದಾಟಿದ ಸೋಂಕು ಪ್ರಕರಣ - 124 ಮಂದಿಗೆ ಪಾಸಿಟಿವ್‌

•   Sun, Jan 24 2021 07:01:40 PM



• ಕಾಸರಗೋಡು, ಜ.24 (DaijiworldNews/MB) : ಜಿಲ್ಲೆಯಲ್ಲಿ ಮತ್ತೆ ಕೊರೊನಾ ಪಾಸಿಟಿವ್‌ ಏರಿಕೆ ಕಂಡಿದ್ದು, 35 ದಿನಗಳ ಬಳಿಕ ನೂರರ ಗಡಿ ದಾಟಿದೆ. ರವಿವಾರ 124 ಮಂದಿಗೆ ಕೊರೊನಾ ಪಾಸಿಟಿವ್ ದೃಢಪಟ್ಟಿದೆ.

  

  ಡಿ. 19 ರಂದು 106 ಮಂದಿಗೆ ಕೊರೊನಾ ಪಾಸಿಟಿವ್ ಪತ್ತೆಯಾಗಿತ್ತು. ಬಳಿಕದ ದಿನಗಳಲ್ಲಿ ಎರಡಂಕೆಗೆ ಸೀಮಿತವಾಗಿತ್ತು. ಆದರೆ ಮತ್ತೆ ಸೋಂಕಿತರ ಪ್ರಮಾಣ ಏರಿಕೆಯಾಗತೊಡಗಿದೆ.

  ರಾಜ್ಯದ ಜಿಲ್ಲೆಗಳಲ್ಲಿ ಸೋಂಕಿತರ ಪ್ರಮಾಣ ಹೆಚ್ಚಾಗಿದ್ದರೂ ಕಾಸರಗೋಡು ಜಿಲ್ಲೆಯಲ್ಲಿ ಇಳಿಕೆ ಕಂಡಿತ್ತು. ಆದರೆ ಮತ್ತೆ ಏರಿಕೆಯಾಗುತ್ತಿರುವುದು ಆರೋಗ್ಯ ಇಲಾಖೆಯ ಕಳವಳಕ್ಕೆ ಕಾರಣವಾಗಿದೆ.

  ರವಿವಾರ 50 ಮಂದಿ ಗುಣಮುಖರಾಗಿದ್ದಾರೆ. 1755 ಮಂದಿ ಸದ್ಯ ಚಿಕಿತ್ಸೆಯಲ್ಲಿದ್ದಾರೆ. 25,877 ಮಂದಿಗೆ ಇದುವರೆಗೆ ಸೋಂಕು ದೃಢಪಟ್ಟಿದೆ.