ದೆಹಲಿಯ ಇಂಡಿಯಾ ಗೇಟ್ ಬಳಿ ಪ್ರವಾಸಿಗರಿಂದ ಪಾಕಿಸ್ತಾನ ಜಿಂದಾಬಾದ್ ಘೋಷಣೆ

•   Sun, Jan 24 2021 03:01:11 PM



• ನವದೆಹಲಿ, ಜ.24 (DaijiworldNews/HR): ಭಾನುವಾರ ಬೆಳಿಗ್ಗೆ ಖಾನ್‌ ಮಾರ್ಕೆಟ್‌ ಮೆಟ್ರೊ ನಿಲ್ದಾಣದ ಬಳಿ ಆರು ಮಂದಿ ಪಾಕಿಸ್ತಾನ ಜಿಂದಾಬಾದ್‌ ಎಂಬ ಘೋಷಣೆಗಳನ್ನು ಕೂಗುತ್ತಿದ್ದರು ಎಂಬುದಾಗಿ ಪೊಲೀಸರು ತಿಳಿಸಿದ್ದಾರೆ.

  
  ಸಾಂಧರ್ಭಿಕ ಚಿತ್ರ

  ಖಾನ್‌ ಮಾರ್ಕೆಟ್‌ ಮೆಟ್ರೊ ನಿಲ್ದಾಣದ ಬಳಿ ಪಾಕಿಸ್ತಾನ ಜಿಂದಾಬಾದ್‌ ಎಂಬ ಘೋಷಣೆಗಳನ್ನು ಕೂಗುತ್ತಿದ್ದಾರೆ ಎಂದು ತುಘಲಕ್‌ ರಸ್ತೆ ಪೊಲೀಸ್‌ ಠಾಣೆಗೆ ಪಿಸಿಆರ್‌ನಿಂದ ಮಾಹಿತಿ ಲಭಿಸಿದ್ದು, ತಕ್ಷಣ ತಂಡವೊಂದು ಸ್ಥಳಕ್ಕೆ ಧಾವಿಸಿತು. ಆಗ ಅಲ್ಲಿ ಮೂರು ಮಹಿಳೆಯರು, ಮೂರು ಯುವಕರು ಸೇರಿದಂತೆ ಆರು ಮಂದಿ ಯೂಲ್‌ ಬೈಕ್‌ನಲ್ಲಿ ಇದ್ದರೆಂದು ಎಂದು ಅವರು ಮಾಹಿತಿ ನೀಡಿದ್ದಾರೆ.

  ಇನ್ನು ಯೂಲ್‌ ಬೈಕ್‌ ಮೂಲಕ ಇಂಡಿಯಾ ಗೇಟ್‌ ನೋಡಲು ಬಂದಿದ್ದು, ಈ ವೇಳೆ ಬೈಕ್‌ ರೇಸ್‌ ಮಾಡಿದ್ದಾಗ ಎದುರಾಳಿಗಳನ್ನು ವಿವಿಧ ದೇಶಗಳ ಹೆಸರಿನಲ್ಲಿ ಕರೆಯುತ್ತಿದ್ದೆವು. ಈ ಸಂದರ್ಭದಲ್ಲಿ ಹಗುರುವಾದ ಧಾಟಿಯಲ್ಲಿ 'ಪಾಕಿಸ್ತಾನ ಜಿಂದಾಬಾದ್‌' ಹೇಳಿದ್ದೇವೆ ಎಂದು ಆರೋಪಿಗಳು ವಿಚಾರಣೆ ವೇಳೆ ಒಪ್ಪಿಕೊಂಡಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.