ಬೆಳಗಾವಿ ಗಡಿಯಲ್ಲಿ ಶಿವಸೇನೆ ಕಾರ್ಯಕರ್ತರು, ಪೊಲೀಸರ ನಡುವೆ ನೂಕಾಟ-ತಳ್ಳಾಟ

•   Thu, Jan 21 2021 03:05:10 PM



• ಬೆಳಗಾವಿ, ಜ.21 (DaijiworldNews/HR): ಮಹಾನಗರ ಪಾಲಿಕೆ ಎದುಗಡೆಯಲ್ಲಿ ಹಾಕಿದ್ದ ಕನ್ನಡ ಧ್ವಜ ತೆರವುಗೊಳಿಸಲು ಒತ್ತಾಯಿಸಿ ಮಹಾರಾಷ್ಟ್ರದಿಂದ ಬೆಳಗಾವಿ ಗಡಿ ಪ್ರವೇಶಿಸಲು ಯತ್ನಿಸುತ್ತಿದ್ದ ಶಿವಸೇನೆ ಕಾರ್ಯಕರ್ತರನ್ನು ಪೊಲೀಸರು ತಡೆಯುತ್ತಿದ್ದಾಗ ನೂಕಾಟ-ತಳ್ಳಾಟ ನಡೆದಿದೆ ಎಂದು ತಿಳಿದು ಬಂದಿದೆ.

  

  ಬೆಳಗಾವಿ ಸಮೀಪದ ಕೊಲ್ಲಾಪುರ ಜಿಲ್ಲೆಯ ಶಿನೋಳಿ ಗಡಿ ಪ್ರವೇಶಿಸಲು ಶಿವಸೇನೆ ಕಾರ್ಯಕರ್ತರು ಯತ್ನಿಸುತ್ತಿದ್ದು, ಅವರನ್ನು ಪೋಲಿಸರು ತಡೆದಿದ್ದು, ಈ ವೇಳೆ ನೂಕಾಟ-ತಳ್ಳಾಟ ನಡೆದಿದೆ ಎನ್ನಲಾಗಿದೆ.

  ಇನ್ನು ಪಾಲಿಕೆ ಎದುರಿನ ಕನ್ನಡ ಧ್ವಜ ತೆರವು ಮಾಡಿ, ಭಗವಧ್ವಜ ಹಾರಿಸಲು ಕರ್ನಾಟಕದೊಳಗೆ ಶಿವಸೇನೆ ಕಾರ್ಯಕರ್ತರು ಆಗಮಿಸುತ್ತಿದ್ದಂತೆ ಕರ್ನಾಟಕದ ಗಡಿಭಾಗ ಶಿನ್ನೋಳ್ಳಿಯಲ್ಲಿ ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣತ್ತು ಎಂದು ತಿಳಿದು ಬಂದಿದೆ.