ಕೃಷಿ ಕಾಯ್ದೆ ಪ್ರತಿಭಟನೆ - ಕಾಂಗ್ರೆಸ್ ಶಾಸಕಿಯಿಂದ ಮಹಿಳಾ ಪೊಲೀಸ್​ ಮೇಲೆ ಹಲ್ಲೆ

•   Thu, Jan 21 2021 12:22:37 PM



• ಬೆಂಗಳೂರು, ಜ.21 (DaijiworldNews/HR) : ಜನವರಿ 20ರ ಬುಧವಾರ ಕೃಷಿ ಕಾಯ್ದೆ ವಿರುದ್ಧ ಕಾಂಗ್ರೆಸ್ ಪ್ರತಿಭಟನೆ ನಡೆಸುತ್ತಿದ್ದಾಗ ಜಯನಗರ ಶಾಸಕಿ ಸೌಮ್ಯ ರೆಡ್ಡಿ ಅವರು ಕರ್ತವ್ಯ ನಿರ್ವಹಿಸುತ್ತಿದ್ದ ಮಹಿಳಾ ಪೊಲೀಸ್ ಮೇಲೆ ಹಲ್ಲೆ ನಡೆಸಿದ್ದು, ಈ ದೃಶ್ಯದ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಸೌಮ್ಯಾ ವಿರುದ್ಧ ತೀವ್ರ ಟೀಕೆಗಳು ವ್ಯಕ್ತವಾಗುತ್ತಿವೆ.

  

  ಕಾಂಗ್ರೆಸ್ ಮುಖಂಡರು ರಾಜಭವನದತ್ತ ಸಾಗಲು ಪ್ರಯತ್ನಿಸಿದಾಗ ಪೊಲೀಸರು ಅವರನ್ನು ತಡೆದು ವಶಕ್ಕೆ ತೆಗೆದುಕೊಂಡಿದ್ದರು, ಮಹಿಳಾ ಪೊಲೀಸ್ ಕಾನ್‌ಸ್ಟೆಬಲ್ ಸೌಮ್ಯರನ್ನು ವಾಹನಕ್ಕೆ ಕರೆತರಲು ಮುಂದೆ ಬಂದಾಗ ಪೊಲೀಸ್ ಮೇಲೆ ಹಲ್ಲೆ ನಡೆಸಿದ್ದಾರೆ. ಬಳಿಕ ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಸಮಿತಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್ ಅವರಿಗೆ ದೂರು ನೀಡಿರುವ ಸೌಮ್ಯ ನಂತರ ಪೊಲೀಸ್ ಆಯುಕ್ತರ ಕಚೇರಿಗೆ ಭೇಟಿ ನೀಡಿ ಪೊಲೀಸರ ವಿರುದ್ಧ ದೂರು ನೀಡಿದ್ದಾರೆ.

  ಏತನ್ಮಧ್ಯೆ, ಬಿಜೆಪಿ ಜಂಟಿ ವಕ್ತಾರ ಎಸ್ ಪ್ರಕಾಶ್ ಟ್ವೀಟ್ ಮಾಡಿ, ಪೊಲೀಸರಿಗೆ ಅಡ್ಡಿಪಡಿಸಿ ಅವರಿಗೆ ಹಲ್ಲೆ ನಡೆಸಿದ ಸೌಮ್ಯ ಅವರ ವಿರುದ್ಧ ಪ್ರಕರಣ ದಾಖಲಿಸುವಂತೆ ಪೊಲೀಸರಿಗೆ ಒತ್ತಾಯಿಸಿಸಿದ್ದಾರೆ.

  Jayanagar Cong MLA Soumya Reddy assault women constable who was on duty at Cong protest site. Assault on men in uniform is serious crime.Will police book her? @MalavikaBJP @Sharada_naik @niku1630 @Tejasvi_Surya @CTRavi_BJP @Vishwasshettre @CPBlr pic.twitter.com/uOM8d5dpcG

  — Prakash.S (@sprakaashbjp) January 20, 2021