ಬಹುನಿರೀಕ್ಷಿತ ವಿಶ್ವದ ಅತೀ ದೊಡ್ಡ ಲಸಿಕೆ ಅಭಿಯಾನಕ್ಕೆ ಚಾಲನೆ ನೀಡಿದ ಪ್ರಧಾನಿ ಮೋದಿ

•   Sat, Jan 16 2021 11:06:42 AM



• ನವದೆಹಲಿ, ಜ.16 (DaijiworldNews/PY): ಪ್ರಧಾನಿ ನರೇಂದ್ರ ಮೋದಿ ಅವರು ಜಗತ್ತಿನ ಅತೀ ದೊಡ್ಡ ಲಸಿಕೆ ನೀಡುವ ಅಭಿಯಾನಕ್ಕೆ ಆನ್‌ಲೈನ್‌‌ ಮೂಲಕ ಶನಿವಾರ ಚಾಲನೆ ನೀಡಿದರು.

  

  ಚಾಲನೆ ನೀಡಿದ ಮೊದಲ ದಿನದಂದೇ ದೇಶದ 3,006 ಲಸಿಕಾ ಕೇಂದ್ರಗಳಲ್ಲಿ ಸುಮಾರು ಮೂರು ಲಕ್ಷ ಆರೋಗ್ಯ ಕಾರ್ಯಕರ್ತರಿಗೆ ಕೊರೊನಾ ಲಸಿಕೆಯ ಮೊದಲ ಡೋಸ್‌‌‌ ನೀಡಲಾಗುತ್ತಿದೆ.

  ಲಸಿಕೆ ಚಾಲನೆ ನೀಡಿದ ಬಳಿಕ ಪ್ರಧಾನಿ ಮೋದಿ ಅವರು ಕೋ-ವಿನ್‌‌ ಆಪ್‌ಗೂ ಚಾಲನೆ ನೀಡಿದ್ದಾರೆ.

  ದೇಶದಲ್ಲಿ ತಯಾರಾದ ಆಕ್ಸ್‌ಫರ್ಡ್‌ ವಿಶ್ವವಿದ್ಯಾಲಯ ಹಾಗೂ ಅಸ್ಪ್ರಾಜೆನೆಕಾ ಅಭಿವೃದ್ದಿಪಡಿಸಿರುವ ಕೋವಿಶೀಲ್ಡ್‌‌ ಲಸಿಕೆ ಹಾಗೂ ಭಾರತದ ಬಯೋಟೆಕ್‌‌ ದೇಶದ ಉನ್ನತ ಕ್ಲಿನಿಕಲ್‌‌ ಸಂಶೋಧನಾ ಸಂಸ್ಥೆಯೆ ಜೊತೆ ಸೇರಿ ತಯಾರಿಸಿದ ಕೋವ್ಯಾಕ್ಸಿನ್‌ ಅನ್ನು ಕೊರೊನಾ ಲಸಿಕಾ ಅಭಿಯಾನದಲ್ಲಿ ಉಪಯೋಗ ಮಾಡಲಾಗುತ್ತಿದೆ.

  ಇಂದು ಕೋವಿಶೀಲ್ಡ್‌ ಹಾಗೂ ಕೋವ್ಯಾಕ್ಸಿನ್‌ ಎಂಬ ಎರಡು ಲಸಿಕೆಗಳನ್ನು ನೀಡಲಾಗುತ್ತಿದೆ. ದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ಇಳಿಮುಖವಾಗುತ್ತಿದ್ದು, ಈ ಕಾರ್ಯಕ್ರಮದಿಂದಾಗಿ ಮುಂಬರುವ ದಿನಗಳಲ್ಲಿ ಕೊರೊನಾ ಸಂಪೂರ್ಣವಾಗಿ ನಿಯಂತ್ರಣಕ್ಕೆ ಬರುವ ನಿರೀಕ್ಷೆ ಇದೆ.