ಮಂಗಳೂರು: ಯೂತ್‌ ಕಾಂಗ್ರೆಸ್‌ ಅಧ್ಯಕ್ಷ ಮಿಥುನ್‌ ರೈ - ಪೊಲೀಸರ ನಡುವೆ ಮಾತಿನ ಚಕಮಕಿ

•   Wed, Dec 30 2020 06:35:50 PM



• ಮಂಗಳೂರು, ಡಿ.30 (DaijiworldNews/PY): ಕಾರ್ಯಕರ್ತರ ವಿಜಯೋತ್ಸವಕ್ಕೆ ಆಗಮಿಸಿದ ಸಂದರ್ಭ ಯೂತ್‌ ಕಾಂಗ್ರೆಸ್‌‌ ಅಧ್ಯಕ್ಷ ಮಿಥುನ್‌ ರೈ ಹಾಗೂ ಪೊಲೀಸರ ನಡುವೆ ಮಾತಿನ ಚಕಮಕಿ ನಡೆದ ಘಟನೆ ಬೊಂದೇಲ್‌‌ನ ಎಂಜಿಸಿ ಮತ ಎಣಿಕಾ ಕೇಂದ್ರದಲ್ಲಿ ನಡೆದಿದೆ.

  

  ಶಾಸಕ ಉಮಾನಾಥ್‌‌ ನೇತೃತ್ವದಲ್ಲಿ ಬಿಜೆಪಿ ಸಂಭ್ರಮಾಚರಣೆ ನಡೆಯುತ್ತಿದ್ದು, ಈ ವೇಳೆ ಕಾರ್ಯಕರ್ತರ ವಿಜಯೋತ್ಸವಕ್ಕೆ ಘೋಷಣೆ ಕೂಗುತ್ತಾ ಮುಖಾಮುಖಿಯಾದ ಎರಡು ಪಕ್ಷದ ಕಾರ್ಯಕರ್ತರ ನಡುವೆ ಘೋಷಣೆಯ ಚಕಮಕಿ ನಡೆದಿದೆ

  ಈ ವೇಳೆ ಯೂತ್‌ ಕಾಂಗ್ರೆಸ್‌‌‌‌‌‌ ಅಧ್ಯಕ್ಷ ಮಿಥುನ್‌‌‌‌ ರೈ ಹಾಗೂ ಪೊಲೀಸರ ನಡುವೆ ಮಾತಿನ ಚಕಮಕಿ ನಡೆದಿದೆ.

  ಈ ರೀತಿ ಮಾಡದೇ ಶಾಂತವಾಗಿರಿ ಎಂದು ಮನವೊಲಿಕೆ ಮಾಡಿದ ಪೊಲೀಸರ ಮಾತಿಗೆ ಕಿವಿಗೊಡದೇ ಪೊಲೀಸರ ವಿರುದ್ದ ಹರಿಹಾಯ್ದಿದ್ದಾರೆ.

  ಸ್ಥಳದಿಂದ ದೂರ ಸರಿಯುಂತೆ ತಿಳಿಸಿದ್ದಕ್ಕೆ ಆಕ್ಷೇಪಿಸಿ ಕ್ಯಾತೆ ತೆಗೆದ ಕಾರಣ, ಈ ಮಾತಿನ ಚಕಮಕಿ ನಡೆದಿದೆ. ಪರಿಸ್ಥಿತಿ ನಿಯಂತ್ರಿಸಲು ಪೊಲೀಸರು ಹರಸಾಹಸಪಟ್ಟಿದ್ದಾರೆ.