ಬ್ಯಾಂಕ್ ಹಗರಣ - ಶಿವಸೇನಾ ನಾಯಕ ಸಂಜಯ್ ರಾವತ್​ ಪತ್ನಿಗೆ ಇಡಿ ಸಮನ್ಸ್

•   Sun, Dec 27 2020 08:42:59 PM



• ನವದೆಹಲಿ,ಡಿ. 27 (DaijiworldNews/HR): ಶಿವಸೇನಾ ನಾಯಕ ಸಂಜಯ್ ರಾವತ್​ ಅವರ ಪತ್ನಿ ವರ್ಷಾಗೆ ಜಾರಿ ನಿರ್ದೇಶನಾಲಯ ಸಮನ್ಸ್ ಜಾರಿಗೊಳಿಸಿದ್ದು, ಡಿ.29ರಂದು ವಿಚಾರಣೆಗೆ ಹಾಜರಾಗುವಂತೆ ಸೂಚಿಸಿದೆ.

  

  ಈ ತನಿಖೆಯು ಪಂಜಾಬ್​ ಮತ್ತು ಮಹಾರಾಷ್ಟ್ರ ಸಹಕಾರಿ ಬ್ಯಾಂಕ್ ಹಗರಣಕ್ಕೆ ಸಂಬಂಧಿಸಿದಾಗಿದ್ದು, ಅಕ್ರಮದಲ್ಲಿ ಭಾಗಿಯಾದ ಬಗ್ಗೆ ವಿಚಾರಣೆ ನಡೆಸುವುದಕ್ಕಾಗಿ ಸಮನ್ಸ್ ಜಾರಿಗೊಳಿಸಿದೆ.

  ಇನ್ನು ಪಿಎಂಸಿ ಬ್ಯಾಂಕ್ ಹಗರಣದ ಆರೋಪಿಯಾಗಿರುವ ಪರ್ವೀನ್ ರಾವುತ್ ಅವರೊಂದಿಗೆ ವರ್ಷಾ ರಾವುತ್​ 50 ಲಕ್ಷ ರೂಪಾಯಿ ವಹಿವಾಟು ನಡೆಸಿದ್ದು, ಜಮೀನು ಖರೀದಿಸುವುದಕ್ಕೆ ಸಾಲ ರೂಪದಲ್ಲಿ ಈ ಹಣವನ್ನು ಪಡೆಯಲಾಗಿದೆ ಎಂದು ಹೇಳಲಾಗುತ್ತಿದೆ.