ಪ್ರತಿಭಟನಾ ನಿರತ ರೈತರ ಬಗ್ಗೆ ಕವನ ಟ್ವೀಟ್‌ ಮಾಡಿದ ರಾಹುಲ್‌ ಗಾಂಧಿ

•   Sun, Dec 27 2020 04:31:22 PM



• ನವದೆಹಲಿ, ಡಿ.27 (DaijiworldNews/PY): ಕೇಂದ್ರ ಸರ್ಕಾರದ ನೂತನ ಕೃಷಿ ಕಾಯ್ದೆ ವಿರುದ್ದ ರೈತರು ನಡೆಸುತ್ತಿರುವ ಪ್ರತಿಭಟನೆಯ ಬಗ್ಗೆ ಪ್ರಧಾನಿ ನರೇಂದ್ರ ಮೋದಿ ಸರ್ಕಾರವನ್ನು ಟಾರ್ಗೆಟ್‌‌‌‌ ಮಾಡಲು ಬಳಸಿಕೊಂಡಿರುವ ಕಾಂಗ್ರೆಸ್‌ ಮುಖಂಡ ರಾಹುಲ್‌ ಗಾಂಧಿ ಕವಿತೆಯೊಂದನ್ನು ಬರೆದು ರೈತರ ಪ್ರತಿಭಟನೆಗೆ ಬೆಂಬಲ ಸೂಚಿಸಿದ್ದಾರೆ.

  

  ದ್ವಾರಕಾ ಪ್ರಸಾದ್ ಮಹೇಶ್ವರಿ ಅವರ ವೀರ್‌ ತುಮ್‌‌ ಬಡೆ ಚಲೋ ಕವನವನ್ನು ಸ್ವಲ್ಪ ಬದಲಾವಣೆ ಮಾಡಿ ಬರೆದು ರಾಹುಲ್‌ ಗಾಂಧಿ ಟ್ವೀಟ್‌ ಮಾಡಿದ್ದು, "ಪ್ರತಿಭಟನಾ ನಿರತ ರೈತರು ಸರ್ಕಾರಕ್ಕೆ ಜಗ್ಗದೇ, ಬಗ್ಗದೇ ಮುಂದೆ ಸಾಗಬೇಕು" ಎಂದಿದ್ದಾರೆ.

  "ಓ ಧೀರರೇ ಮುಂದೆ ಸಾಗುತ್ತಿರಿ, ತಾಳ್ಮೆಯಿಂದ ನೀವು ಮುಂದುವರೆಯಿರಿ, ಜಲ ಫಿರಂಗಿ ಅಥವಾ ಬ್ಲಸ್ಟರ್‌ಗಳಿಗೆ ನೀವು ಅಂಜದಿರಿ. ನೀವು ಭಯಪಡದೇ ದೃಢ ಹೆಜ್ಜೆ ಮುಂದಿಡಿ, ಓ ಅನ್ನದಾತರೇ ನೀವು ಮುಂದೆ ಸಾಗಿ" ಎಂದು ಬರೆದಿದ್ದಾರೆ.

  "ನೂತನ ಕೃಷಿ ಕಾಯ್ದೆ ವಿರುದ್ದ ಪ್ರತಿಭಟನೆ ನಡೆಸುತ್ತಿರುವ ರೈತರ ಮಾತುಗಳನ್ನು ಸರ್ಕಾರ ಕೇಳಲೇಬೇಕಾಗುತ್ತದೆ" ಎಂದು ಶನಿವಾರ ರಾಹುಲ್‌ ಗಾಂಧಿ ಹೇಳಿದ್ದರು.

  वीर तुम बढ़े चलो
  धीर तुम बढ़े चलो
  वॉटर गन की बौछार हो
  या गीदड़ भभकी हज़ार हो
  तुम निडर डरो नहीं
  तुम निडर डटो वहीं
  वीर तुम बढ़े चलो
  अन्नदाता तुम बढ़े चलो! pic.twitter.com/MqsuS9QxEj

  — Rahul Gandhi (@RahulGandhi) December 27, 2020