ಪದ್ಮಶ್ರೀ ಪುರಸ್ಕೃತ, ಖ್ಯಾತ ನೃತ್ಯ ವಿಮರ್ಶಕ ಸುನೀಲ್ ಕೊಠಾರಿ ನಿಧನ

•   Sun, Dec 27 2020 03:23:06 PM



• ನವದೆಹಲಿ, ಡಿ. 27 (DaijiworldNews/HR): ಪದ್ಮಶ್ರೀ ಪುರಸ್ಕೃತ ಖ್ಯಾತ ನೃತ್ಯ ವಿಮರ್ಶಕ ಸುನಿಲ್ ಕೊಠಾರಿ (87) ಅವರು ಹೃದಯಾಘಾತದಿಂದ ನಿಧನರಾಗಿದ್ದಾರೆ.

  

  ಸುನಿಲ್ ಕೊಠಾರಿ ಅವರಿಗೆ ‌ತಿಂಗಳ ಹಿಂದೆ ಕೊರೊನಾ ಸೋಂಕು ದೃಢಪಟ್ಟಿದ್ದು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಚಿಕಿತ್ಸೆ ನಂತರವೂ ತೀವ್ರ ಅನಾರೋಗ್ಯದಿಂದ ಬಳಲುತ್ತಿದ್ದು ತಮ್ಮ ಮನೆಯಲ್ಲೇ ಚಿಕಿತ್ಸೆ ಪಡೆದು ಗುಣಮುಖರಾಗುತ್ತಿದ್ದು ಇಂದು ಮುಂಜಾನೆ ಹೃದಯಘಾತದಿಂದ ಮೃತಪಟ್ಟಿದಾರೆಂದು ಕುಟುಂಬದ ಆಪ್ತ ವಿಧಾ ಲಾಲ್‌ ತಿಳಿಸಿದ್ದಾರೆ.
  
  ಕೊಠಾರಿ ಡಿ. 20, 1933 ರಂದು ಮುಂಬೈನಲ್ಲಿ ಜನಿಸಿ ಭಾರತೀಯ ನೃತ್ಯ ಪ್ರಕಾರಗಳ ಅಧ್ಯಯನ ಆರಂಭಿಸುವ ಮುನ್ನ ಚಾರ್ಟೆಂಡ್ ಅಕೌಂಟ್‌ ಆಗಿದ್ದರು.

  ಇನ್ನು ಅಸ್ಸಾಂನ ಸತ್ಯ ನೃತ್ಯಗಳು, ಭಾರತೀಯ ನೃತ್ಯದಲ್ಲಿ ಹೊಸ ನಿರ್ದೇಶನಗಳು, ಭರತನಾಟ್ಯಂ, ಒಡಿಸ್ಸಿ, ಚೌ, ಕಥಕ್, ಕೂಚುಪುಡಿ ಮತ್ತು ಉದಯ್ ಶಂಕರ್ ಮತ್ತು ರುಕ್ಮಿಣಿ ದೇವಿ ಅರುಂಡೇಲ್ ಅವರ ಜೀವನಚರಿತ್ರೆ ಸೇರಿದಂತೆ ಭಾರತೀಯ ನೃತ್ಯ ಪ್ರಕಾರಗಳ ವಿಷಯದ ಕುರಿತು 20ಕ್ಕೂ ಹೆಚ್ಚು ಪುಸ್ತಕಗಳನ್ನು ಸುನೀಲ್ ಕೊಠಾರಿ ಬರೆದಿದ್ದಾರೆ.