ಕೇರಳದ 21 ವರ್ಷದ ವಿದ್ಯಾರ್ಥಿನಿ ದೇಶದ ಅತಿ ಕಿರಿಯ ವಯಸ್ಸಿನ ಮೇಯರ್‌ ಆಗಿ ಆಯ್ಕೆ

•   Fri, Dec 25 2020 06:03:09 PM



• ತಿರುವನಂತಪುರಂ,ಡಿ.25 (DaijiworldNews/HR): ಕೇರಳದ ತಿರುವನಂತಪುರಂ ಮಹಾನಗರ ಪಾಲಿಕೆಗೆ ದೇಶದ ಅತಿ ಕಿರಿಯ ವಯಸ್ಸಿನ ಮೇಯರ್‌ ಆಗಿ ಆರ್ಯ ರಾಜೇಂದ್ರನ್‌(21) ಆಯ್ಕೆಯಾಗಿದ್ದಾರೆ.

  

  ತಿರುವನಂತಪುರಂ ಮಹಾನಗರ ಪಾಲಿಕೆಗೆ ಇತ್ತೀಚೆಗೆ ನಡೆದ ಚುನಾವಣೆಯಲ್ಲಿ ಸಿಪಿಎಂ ಪಕ್ಷದಿಂದ ಆರ್ಯ ರಾಜೇಂದ್ರನ್‌ ಸ್ಪರ್ಧಿಸಿದ್ದರು.

  ಮುಡವನ್‌ಮುಗಳ್ ವಾರ್ಡ್‌ನಿಂದ ಆಯ್ಕೆಯಾಗಿದ್ದ ಆರ್ಯ ಅವರ ಹೆಸರನ್ನು ಸಿಪಿಎಂ ಜಿಲ್ಲಾ ಕಾರ್ಯಾಲಯವು ತಿರುವನಂತಪುರಂ ಮಹಾನಗರ ಪಾಲಿಕೆಯ ಮೇಯರ್‌ ಸ್ಥಾನಕ್ಕೆ ಶಿಫಾರಸು ಮಾಡಿತ್ತು. ಇದೀಗ 21 ವರ್ಷದ ಆರ್ಯ ರಾಜೇಂದ್ರನ್‌ ಅವರು ಕೇರಳ ರಾಜಧಾನಿಯ ಮೇಯರ್‌ ಆಗಿ ಆಯ್ಕೆ ಆಗುವ ಮೂಲಕ ದೇಶದ ಅತಿ ಕಿರಿಯ ವಯಸ್ಸಿನ ಮೇಯರ್‌ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

  ಇನ್ನು ಎಲ್‌ಬಿಎಸ್‌ ಎಂಜಿನಿಯರಿಂಗ್‌ ಕಾಲೇಜ್‌ನ ವಿದ್ಯಾರ್ಥಿನಿಯಾಗಿರುವ ಆರ್ಯ ರಾಜೇಂದ್ರನ್‌ ಅವರು ಸ್ಟೂಡೆಂಟ್‌ ಫೆಡರೇಶನ್ ಆಫ್ ಇಂಡಿಯಾದ ರಾಜ್ಯ ಸಮಿತಿ ಸದಸ್ಯೆ ಕೂಡ ಆಗಿದ್ದಾರೆ.