'ಬ್ರಿಟನ್‌ನಲ್ಲಿ ಕಾಣಿಸಿಕೊಂಡ ಹೊಸ ಕೊರೊನಾ ವೈರಸ್‌ ಬಗ್ಗೆ ಯಾರೂ ಭಯಪಡುವ ಅಗತ್ಯವಿಲ್ಲ' - ಹರ್ಷವರ್ಧನ್

•   Mon, Dec 21 2020 03:59:39 PM



• ನವದೆಹಲಿ, ಡಿ.21 (DaijiworldNews/HR): ಬ್ರಿಟನ್‌ನಲ್ಲಿ ಹೊಸ ಕೊರೊನಾ ವೈರಸ್ ಕಾಣಿಸಿಕೊಂಡಿದ್ದು ಆ ಬಗ್ಗೆ ಸರ್ಕಾರ ಜಾಗರೂಕವಾಗಿದ್ದು, ಯಾರೂ ಭಯಪಡುವ ಅಗತ್ಯವಿಲ್ಲ ಎಂದು ಕೇಂದ್ರ ಆರೋಗ್ಯ ಸಚಿವ ಹರ್ಷವರ್ಧನ್ ಹೇಳಿದ್ದಾರೆ.

  l

  ಈ ಕುರಿತು ಮಾತನಾಡಿರುವ ಅವರು, "ಕೊರೊನಾ ಪರಿಸ್ಥಿತಿಯನ್ನು ಸರ್ಕಾರ ಸಮರ್ಪಕವಾಗಿ ಎದುರಿಸಿದ್ದು, ಈ ಹೊಸ ಸ್ವರೂಪದ ವೈರಸ್‌ ಬಗ್ಗೆ ಜನರು ಆತಂಕಪಡುವ ಅಗತ್ಯವಿಲ್ಲ ಸರ್ಕಾರ ಎಲ್ಲದರ ಬಗ್ಗೆಯೂ ಸಂಪೂರ್ಣ ಜಾಗರೂಕವಾಗಿದೆ" ಎಂದರು.

  ಇನ್ನು ಬ್ರಿಟನ್‌ನಿಂದ ಬರುವ ವಿಮಾನಗಳನ್ನು ನಿಷೇಧಿಸಬೇಕೆಂಬ ಬೇಡಿಕೆಯ ಕುರಿತಾಗಿ ಪ್ರತಿಕ್ರಿಯಿಸಿದ ಅವರು, "ಇವೆಲ್ಲ ಕಾಲ್ಪನಿಕ ಸನ್ನಿವೇಶಗಳು, ಕಾಲ್ಪನಿಕ ಮಾತುಕತೆಗಳು, ಕಾಲ್ಪನಿಕ ಭೀತಿಯಾಗಿದ್ದು, ಅವೆಲ್ಲದರ ಬಗ್ಗೆ ನೀವು ಚಿಂತಿಸಲು ಹೋಗಬೇಡಿ" ಎಂದು ಹೇಳಿದ್ದಾರೆ.