'ನಮ್ಮನ್ನು ರೈತ ವಿರೋಧಿ ಎಂದು ಬಿಂಬಿಸಿ ಕೀಳುಮಟ್ಟದ ಅಭಿಯಾನ ಕೈಗೊಂಡಿದ್ದಾರೆ' - ಜಿಯೊ ಆರೋಪ

•   Tue, Dec 15 2020 10:26:44 AM



• ನವದೆಹಲಿ, ಡಿ.15 (DaijiworldNews/HR): ಏರ್‌ಟೆಲ್‌ ಹಾಗೂ ವೊಡಾಫೋನ್‌ ಐಡಿಯಾ ಲಿಮಿಟೆಡ್‌ (ವಿಐಎಲ್‌) ಸಂಸ್ಥೆಯವರು ನಮ್ಮನ್ನು ರೈತ ವಿರೋಧಿ ಎಂದು ಬಿಂಬಿಸುವ ಕೀಳುಮಟ್ಟದ ಅಭಿಯಾನವೊಂದನ್ನು ಕೈಗೊಂಡಿದ್ದಾರೆ ಎಂದು ಜಿಯೋ ಆರೋಪಿಸಿದೆ.

  

  ಏರ್‌ಟೆಲ್‌ ಹಾಗೂ ವೊಡಾಫೋನ್‌ ಐಡಿಯಾ ಲಿಮಿಟೆಡ್‌ (ವಿಐಎಲ್‌) ಸಂಸ್ಥೆಯವರು ಜಿಯೊ ಸಂಖ್ಯೆಯನ್ನು ತಮ್ಮ ನೆಟ್‌ವರ್ಕ್‌ಗೆ 'ಪೋರ್ಟ್‌' ಮಾಡಿಕೊಂಡರೆ ಅದು ಕೃಷಿ ಕಾಯ್ದೆಗಳನ್ನು ವಿರೋಧಿಸಿ ರೈತರು ನಡೆಸುತ್ತಿರುವ ಹೋರಾಟಕ್ಕೆ ಬೆಂಬಲ ಸೂಚಿಸಿದಂತಾಗುತ್ತದೆ ಎಂದು ಪ್ರಚೋದಿಸುತ್ತಿದ್ದಾರೆ ಎಂದು ರಿಲಯನ್ಸ್‌ ಜಿಯೊ ಆರೋಪಿಸಿದೆ.

  ಇನ್ನು ಈ ಸಂಬಂಧ ಭಾರತೀಯ ದೂರ ಸಂಪರ್ಕ ನಿಯಂತ್ರಣ ಪ್ರಾಧಿಕಾರಕ್ಕೆ ದೂರು ಸಲ್ಲಿಸಿರುವ ಜಿಯೊ, ಈ ಎರಡು ಕಂಪನಿಗಳ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವಂತೆ ಮನವಿ ಮಾಡಿದೆ, ಆದರೆ ಈ ಎರಡು ಸಂಸ್ಥೆಗಳು ಜಿಯೊ ಆರೋಪವನ್ನು ಅಲ್ಲಗಳೆದಿವೆ.