ನಟಿ ಚೈತ್ರಾ ಆತ್ಮಹತ್ಯೆ ಪ್ರಕರಣ - ಪತಿ ಹೇಮಂತ್‌ ಬಂಧನ

•   Tue, Dec 15 2020 09:54:44 AM



• ಚೆನ್ನೈ, ಡಿ.15 (DaijiworldNews/HR): ತಮಿಳುನಾಡಿನ ಧಾರವಾಹಿ ನಟಿ ಚೈತ್ರಾ(29 ) ಆತ್ಮಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆಕೆಗೆ ಆತ್ಮಹತ್ಯೆಗೆ ಪ್ರಚೋದನೆ ನೀಡಿದ ಆರೋಪದಲ್ಲಿ ಚೈತ್ರಾ ಪತಿ ಹೇಮಂತ್‌ನನ್ನು ಪೊಲೀಸರು ಬಂಧಿಸಿದ್ದಾರೆ.

  

  ಮಗಳಿಗೆ ಅಳಿಯ ಹೊಡೆಯುತ್ತಿದ್ದ, ಇದೇ ಕಾರಣಕ್ಕೆ ಮಗಳು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ಚೈತ್ರಾ ತಾಯಿ ಪೊಲೀಸರಿಗೆ ದೂರು ನೀಡಿದ್ದರು.

  ನಟಿ ಚೈತ್ರಾ ಡಿ.10ರಂದು ಚೆನ್ನೈ ಹೊರವಲಯದಲ್ಲಿರುವ ಹೋಟೆಲ್ ನಲ್ಲಿ ಆತ್ಮಹತ್ಯೆಗೆ ಶರಣಾಗಿದ್ದರು.

  ಇನ್ನು ಚೈತ್ರಾ ಮತ್ತು ಹೇಮಂತ್ ಕೆಲ ತಿಂಗಳ ಹಿಂದೆ ವಿವಾಹವಾಗಿದ್ದು, ಚೈತ್ರಾ ಅವರು ಸೀರಿಯಲ್ ನಲ್ಲಿ ಕೆಲವು ದೃಶ್ಯಗಳಲ್ಲಿ ನಟಿಸಿದ್ದು ಹೇಮಂತ್ ಗೆ ಇಷ್ಟವಾಗದ ಕಾರಣ ಅಸಮಾಧಾನಗೊಂಡಿದ್ದ ಆತ ಚೈತ್ರಾಗೆ ದೈಹಿಕ ಹಲ್ಲೆ ನಡೆಸಿದ್ದ ಎನ್ನಲಾಗಿದೆ.