ಬಿಜೆಪಿ ನಾಯಕಿ ಖುಷ್ಬೂ ಸುಂದರ್‌ ಪ್ರಯಾಣಿಸುತ್ತಿದ್ದ ಕಾರು ಅಪಘಾತ - ಅಪಾಯದಿಂದ ಪಾರು

•   Wed, Nov 18 2020 11:47:16 AM



• ಚೆನ್ನೈ, ನ.18 (DaijiworldNews/PY): ತಮಿಳುನಾಡು ಬಿಜೆಪಿ ನಾಯಕಿ ಖುಷ್ಬೂ ಸುಂದರ್‌‌‌ ಅವರು ಪ್ರಯಾಣಿಸುತ್ತಿದ್ದ ಕಾರು ಅಪಘಾತಕ್ಕೀಡಾದ ಘಟನೆ ನ.18ರ ಬುಧವಾರ ಬೆಳಗ್ಗೆ ಮೇಲ್‌‌ಮರವತ್ತೂರ್‌‌ನಲ್ಲಿ ನಡೆದಿದೆ.

  

  ಖುಷ್ಬೂ ಸುಂದರ್‌ ಅವರ ಕಾರಿಗೆ ಮೇಲ್‌‌ಮರವತ್ತೂರ್‌ನ ಸಮೀಪ ಟ್ಯಾಂಕರ್‌‌‌‌‌ ಗುದ್ದಿದ್ದು, ಅದೃಷ್ಟವಶಾತ್‌ ಯಾವುದೇ ಅಪಾಯವಿಲ್ಲದೇ ಪಾರಾಗಿದ್ದಾರೆ. ಈ ಬಗ್ಗೆ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. ಖುಷ್ಬೂ ಸುಂದರ್‌ ಅವರು ಕಡಲೂರು ಕಡೆಗೆ ಪ್ರಯಾಣ ಮುಂದುವರೆಸಿದ್ದಾರೆ.

  ಈ ಬಗ್ಗೆ ಟ್ವೀಟ್‌ ಮಾಡಿರುವ ಖುಷ್ಬೂ ಅವರು, "ಮೇಲ್‌‌‌ಮರವತ್ತೂರ್‌ ಬಳಿ ನಮ್ಮ ಕಾರಿಗೆ ಟ್ಯಾಂಕರ್‌‌ ಕಾರಿಗೆ ಗುದ್ದಿದೆ. ನಮ್ಮ ಕಾರು ಸರಿಯಾದ ಮಾರ್ಗದಲ್ಲಿಯೇ ಚಲಿಸುತ್ತಿತ್ತು. ಆದರೆ, ಟ್ಯಾಂಕರ್‌ ಏಕಾಏಕಿ ವೇಗವಾಗಿ ಬಂದು ಕಾರಿಗೆ ಡಿಕ್ಕಿ ಹೊಡೆದಿದೆ. ಈ ಬಗ್ಗೆ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ" ಎಂದು ತಿಳಿಸಿದ್ದಾರೆ.

  "ನಿಮ್ಮೆಲ್ಲರ ಆಶೀರ್ವಾದ ಹಾಗೂ ದೇವರ ಕೃಪೆಯಿಂದ ನಾನು ಸುರಕ್ಷಿತವಾಗಿದ್ದೇನೆ. ನಾನು ಕಡಲೂರು ಕಡೆಗೆ ಪ್ರಯಾಣ ಮುಂದುವರೆಸಿದ್ದೇನೆ" ಎಂದಿದ್ದಾರೆ.

  Request the press to understand that a container rammed into me and not the other way. My car was on the move in the right lane and this container came from nowhere and rammed into me. Police are investigating n questioning the driver to rule out any foul play.

  — KhushbuSundar ❤️ (@khushsundar) November 18, 2020