'ಅನುಕೂಲಕರವಾದ ವೇಳೆಯಲ್ಲಿ ಪ್ರಧಾನಿ ಮೋದಿ, ಜೊ ಬಿಡೆನ್‌ ಮಾತುಕತೆ' - ವಿದೇಶಾಂಗ ಸಚಿವಾಲಯ

•   Fri, Nov 13 2020 03:20:33 PM



• ನವದೆಹಲಿ, ನ.13 (DaijiworldNews/PY): "ಅನುಕೂಲಕರವಾದ ಸಮಯದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಹಾಗೂ ಅಮೇರಿಕಾದ ನೂತನ ಅಧ್ಯಕ್ಷರಾಗಿ ಆಯ್ಕೆಯಾಗಿರುವ ಜೊ ಬಿಡೆನ್‌‌ ಅವರು ಮಾತುಕತೆ ನಡೆಸಲಿ‌ದ್ದಾರೆ" ಎಂದು ವಿದೇಶಾಂಗ ಸಚಿವಾಲಯದ ವಕ್ತಾರ ಅನುರಾಗ್ ಶ್ರೀವಾಸ್ತವ ತಿಳಿಸಿದ್ದಾರೆ.

  

  ಉಭಯ ನಾಯಕರು ಮಾತುಕತೆ ನಡೆಸಲಿದ್ದಾರೆಯೇ ಎಂದು ಕೇಳಿದ ಪ್ರಶ್ನೆಗೆ ಪ್ರತಿಕ್ರಿಯೆ ನೀಡಿರುವ ಅವರು, "ಪ್ರಧಾನಿ ನರೇಂದ್ರ ಮೋದಿ ಅವರು ಹಾಗೂ ಅಮೇರಿಕಾದ ನೂತನ ಅಧ್ಯಕ್ಷರಾಗಿ ಆಯ್ಕೆಯಾಗಿರುವ ಜೊ ಬಿಡೆನ್‌‌ ಅವರಿಬ್ಬರಿಗೆ ಕೂಡಾ ಹೊಂದಾಣಿಕೆಯಾಗುವ ಸಂದರ್ಭವನ್ನು ತಿಳಿದುಕೊಂಡು ಮಾತುಕತೆ ನಡೆಸಲಿ‌ದ್ದಾರೆ" ಎಂದಿದ್ದಾರೆ.

  ಜೊ ಬಿಡೆನ್‌ ಅವರಿಗೆ ಪ್ರಧಾನಿ ಮೋದಿ ಅವರು ಟ್ವೀಟ್‌ ಮೂಲಕ ಅಭಿನಂದನೆ ತಿಳಿಸಿದ್ದಾರೆ. ಅಲ್ಲದೇ, ಭಾರತ-ಅಮೇರಿಕಾ ನಡುವಿನ ಬಾಂಧವ್ಯಕ್ಕೆ ಮೆಚ್ಚುಗೆ ಸೂಚಿಸಿದ್ದಾರೆ. ಅಲ್ಲದೇ, ಭಾರತ-ಅಮೇರಿಕಾದ ಬಾಂಧ್ವಯವನ್ನು ಮತ್ತಷ್ಟು ವೃದ್ದಿಸುವುದಕ್ಕಾಗಿ ಒಟ್ಟಿಗೆ ಕೆಲಸ ಮಾಡುವುದನ್ನು ನಿರೀಕ್ಷಿಸುವುದಾಗಿ ಹೇಳಿದ್ದಾರೆ ಎಂದು ತಿಳಿಸಿದ್ದಾರೆ.