ನ.12ರಂದು ಭಾರತ-ಆಸಿಯಾನ್‌‌ ವರ್ಚುವಲ್‌ ಶೃಂಗಸಭೆ

•   Wed, Nov 11 2020 05:31:21 PM



• ನವದೆಹಲಿ, ನ.11 (DaijiworldNews/PY): ಭಾರತ ಹಾಗೂ ಆಸಿಯಾನ್‌‌ ನಡುವಿನ ವರ್ಚುವಲ್‌‌ ಶೃಂಗಸಭೆ ನ.12ರ ಗುರುವಾರದಂದು ನಡೆಯಲಿದ್ದು, ಈ ಶೃಂಗಸಭೆಯಲ್ಲಿ ಪ್ರಧಾನಿ ಮೋದಿ ಅವರು ಕೂಡಾ ಅಧ್ಯಕ್ಷತೆ ವಹಿಸಲಿದ್ದಾರೆ.

  

  ಈ ಶೃಂಗಸಭೆಯಲ್ಲಿ ಭಾರತ ಸೇರಿದಂತೆ ಹತ್ತು ಆಗ್ನೇಯ ಏಷ್ಯಾದ ರಾಷ್ಟ್ರಗಳು ಪಾಲ್ಗೊಳ್ಳಲಿದ್ದು, ಈ ಸಂದರ್ಭ, ಕೊರೊನಾ ಸಾಂಕ್ರಾಮಿಕದಿಂದ ಉಂಟಾದ ಆರ್ಥಿಕ ಬಿಕ್ಕಟ್ಟಿನಿಂದ ಹೊರಬರಬೇಕಾದ ಕ್ರಮಗಳ ಬಗ್ಗೆ ಹಾಗೂ ಕಾರ್ಯತಂತ್ರಗಳ ವಿಚಾರವಾಗಿ ಚರ್ಚಿಸಲಿವೆ.

  ಆಗ್ನೇಯ ಏಷ್ಯಾ ರಾಷ್ಟ್ರಗಳ ಸಂಘ (ಆಸಿಯಾನ್) ಅನ್ನು ಈ ಪ್ರದೇಶದ ಅತ್ಯಂತ ಪ್ರಭಾವಶಾಲಿ ಗುಂಪುಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ ಮತ್ತು ಭಾರತ ಮತ್ತು ಅಮೇರಿಕಾ, ಚೀನಾ, ಜಪಾನ್ ಮತ್ತು ಆಸ್ಟ್ರೇಲಿಯಾ ಸೇರಿದಂತೆ ಹಲವಾರು ದೇಶಗಳು ಇದರ ಪಾಲುದಾರರಾಗಿದ್ದಾರೆ.