ಬಿಹಾರ ಚುನಾವಣೆ - ಇಬ್ಬರು ವೀಕ್ಷಕರನ್ನು ನೇಮಿಸಿದ ಸೋನಿಯಾ ಗಾಂಧಿ

•   Sun, Nov 08 2020 02:08:45 PM



• ಪಾಟ್ನಾ, ನ.08 (DaijiworldNews/PY): ಬಿಹಾರ ವಿಧಾನಸಭೆ ಚುನಾವಣೆಯ ಅಂತಿಮ ಹಂತದ ಮತದಾನ ಮುಕ್ತಾಯಗೊಂಡ ಒಂದು ದಿನದ ನಂತರ ಕಾಂಗ್ರೆಸ್‌ ಅಧ್ಯಕ್ಷೆ ಸೋನಿಯಾಗಾಂಧಿ ಪಕ್ಷದಿಂದ ರಣದೀಪ್‌‌‌ ಸಿಂಗ್‌ ಸುರ್ಜೆವಾಲಾ ಹಾಗೂ ಅವಿನಾಶ್‌‌ ಪಾಂಡೆ ಅವರನ್ನು ಬಿಹಾರದಲ್ಲಿ ವೀಕ್ಷಕರನ್ನಾಗಿ ನೇಮಿಸಿದ್ದಾರೆ.

  

  ಪ್ರಧಾನ ಕಾರ್ಯದರ್ಶಿಗಳಾದ ರಣದೀಪ್‌‌‌ ಸಿಂಗ್‌ ಸುರ್ಜೆವಾಲಾ ಹಾಗೂ ಅವಿನಾಶ್‌ ಪಾಂಡೆ ಅವರನ್ನು ಬಿಹಾರದಲ್ಲಿ ವೀಕ್ಷಕರನ್ನಾಗಿ ನೇಮಕ ಮಾಡಿ ಆದೇಶ ಹೊರಡಿಸಿದ್ದಾರೆ. ಇಬ್ಬರೂ ಇಂದು ಪಾಟ್ನಾಕ್ಕೆ ತಲುಪುವ ನಿರೀಕ್ಷೆಯಿದೆ.

  ಬಿಹಾರ ವಿಧಾನಸಭೆ ಚುನಾವಣೆಯ ಅಂತಿಮ ಹಂತದ ಮತದಾನ ಮುಕ್ತಾಯಗೊಂಡ ಬಳಿಕ ಕಾಂಗ್ರೆಸ್‌ ಈ ತೀರ್ಮಾನ ಕೈಗೊಂಡಿದೆ.

  ಕೇಂದ್ರ ನಾಯಕತ್ವದೊಂದಿಗೆ ಉಭಯ ನಾಯಕರು ಚರ್ಚೆ ಹಾಗೂ ಚುನಾವಣಾ ಫಲಿತಾಂಶದ ಬಳಿಕದ ರಾಜಕೀಯ ಕಾರ್ಯಗಳ ಚಟುವಟಿಕೆಯ ವಿಚಾರವಾಗಿ ತೀರ್ಮಾನ ಕೈಗೊಳ್ಳಲಿದ್ದಾರೆ.