'ವಿಯೆನ್ನಾದೊಂದಿಗೆ ಭಾರತ ಇದೆ' - ಪ್ರಧಾನಿ ಮೋದಿ

•   Tue, Nov 03 2020 01:06:14 PM



• ನವದೆಹಲಿ, ನ.03 (DaijiworldNews/PY): ವಿಯೆನ್ನಾದಲ್ಲಿ ನಡೆದ ಉಗ್ರರ ದಾಳಿಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಮಂಗಳವಾರ ಆಘಾತ ವ್ಯಕ್ತಪಡಿಸಿದ್ದು, "ವಿಯೆನ್ನಾದೊಂದಿಗೆ ಭಾರತ ಇದೆ" ಎಂದಿದ್ದಾರೆ.

  

  ಈ ಬಗ್ಗೆ ಟ್ವೀಟ್‌ ಮಾಡಿರುವ ಅವರು, "ವಿಯೆನ್ನಾದಲ್ಲಿ ನಡೆದ ಭೀಕರ ಭಯೋತ್ಪಾದಕ ದಾಳಿಯಿಂದ ತೀವ್ರ ಆಘಾತ ಹಾಗೂ ದುಃಖವಾಗಿದೆ. ಈ ದುರಂತದ ಸಮಯದಲ್ಲಿ ಭಾರತ ಆಸ್ಟ್ರೀಯಾದೊಂದಿಗೆ ನಿಂತಿದೆ. ನನ್ನ ಆಲೋಚನೆಗಳು ಮೃತರ ಹಾಗೂ ಅವರ ಕುಟುಂಬದೊಂದಿಗಿದೆ" ಎಂದು ಹೇಳಿದ್ದಾರೆ.

  ವಿಯೆನ್ನಾದ ಆರು ಕಡೆಗಳಲ್ಲಿ ಉಗ್ರರು ದಾಳಿ ನಡೆಸಿದ್ದು, ದಾಳಿಯ ಪರಿಣಾಮ ಇಬ್ಬರು ಮೃತಪಟ್ಟಿದ್ದ, 15 ಮಂದಿ ಗಾಯಗೊಂಡಿದ್ದಾರೆ. ಹಿಲ್ಟನ್‌ ಹೋಟೆಲ್‌‌ನಲ್ಲಿರುವ ಪ್ರವಾಸಿಗರನ್ನು ಈ ಉಗ್ರರ ತಂಡ ಬಂಧಿಯಾಗಿರಿಸಿದೆ ಎನ್ನಲಾಗಿದೆ. ಆಸ್ಟ್ರಿಯಾ ಸರ್ಕಾರವು ಸೇನೆಯನ್ನು ಕಳುಹಿಸಿದೆ. ಸದ್ಯ ವಿಯೆನ್ನಾ ನಗರದಾದ್ಯಂತ ಹೈ ಅಲರ್ಟ್‌ ಘೋಷಣೆ ಮಾಡಲಾಗಿದೆ.

  Deeply shocked and saddened by the dastardly terror attacks in Vienna. India stands with Austria during this tragic time. My thoughts are with the victims and their families.

  — Narendra Modi (@narendramodi) November 3, 2020