'ನಮ್ಮ ಅಭ್ಯರ್ಥಿಯನ್ನು ಬಿಜೆಪಿಯವರು ಮುದಿ ಎತ್ತು ಎನ್ನಲ್ಲಿ, ನಾವು ಮಾತ್ರ ಸಿಎಂನ್ನು ಹಾಗೆ ಕರೆಯಲ್ಲ' - ಡಿಕೆಶಿ ಲೇವಡಿ

•   Thu, Oct 29 2020 10:06:03 AM



• ತುಮಕೂರು, ಅ. 29 (DaijiworldNews/MB) : ''ನಮ್ಮ ಅಭ್ಯರ್ಥಿಯನ್ನು ಬಿಜೆಪಿಯವರು ಮುದಿ ಎತ್ತು ಎನ್ನಲ್ಲಿ, ನಾವು ಮಾತ್ರ ಮುಖ್ಯಮಂತ್ರಿ ಬಿ ಎಸ್‌ ಯಡಿಯೂರಪ್ಪ ಅವರನ್ನು ಹಾಗೆ ಕರೆಯಲ್ಲ. ನಾವು ಅವರ ವಯಸ್ಸಿಗೆ ಗೌರವ ನೀಡುತ್ತೇವೆ'' ಎಂದು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ ಶಿವಕುಮಾರ್ ಲೇವಡಿ ಮಾಡಿದ್ದಾರೆ.

  

  ಶಿರಾ ಕಾಂಗ್ರೆಸ್‌ ಅಭ್ಯರ್ಥಿಯನ್ನು ಜಯಚಂದ್ರ ಅವರನ್ನು ಬಿಜೆಪಿ ನಾಯಕರು ಮುದಿ ಎತ್ತು ಎಂದಿದ್ದು ಈ ಬಗ್ಗೆ ಮಾಧ್ಯಮಕ್ಕೆ ಪ್ರತಿಕ್ರಿಯೆ ನೀಡಿದ ಡಿಕೆಶಿಯವರು, ''ಬಿಜೆಪಿಯವರು ಜಯಚಂದ್ರ ಅವರನ್ನು ಮುದಿ ಎತ್ತು ಎಂದರೆ ನಾವು ನಮ್ಮ ರಾಜ್ಯದ ಮುಖ್ಯಮಂತ್ರಿಯವರನ್ನು ಏನೆಂದು ಕರೆಯಬೇಕು?'' ಎಂದು ಪ್ರಶ್ನಿಸಿದ್ದು, ''ಬಿಜೆಪಿಯವರು 71 ವರ್ಷವಾದ ಜಯಚಂದ್ರ ಅವರ ಬಳಿ ತರಬೇತಿ ಪಡೆಯುವಂತೆ ಬಿಜೆಪಿ ಮಂತ್ರಿಗಳನ್ನು ಕಳುಹಿಸಿದ್ದರು'' ಎಂದು ಹೇಳಿದ್ದಾರೆ.

  ''ಕಂದಾಯ ಸಚಿವರಿಗೆ ಜಯಚಂದ್ರ ಅವರು 2 ಗಂಟೆ ಪಾಠ ಮಾಡಿದ್ದಾರೆ. ಅಷ್ಟು ಅನುಭವವಿರುವವರು ಜಯಚಂದ್ರ ಅವರು. ನಮ್ಮ ತಂದೆಗೆ ವಯಸ್ಸಾದಂತೆ ಅವರಿಗೂ ವಯಸ್ಸಾಗಿದೆ'' ಎಂದು ಹೇಳಿದ್ದಾರೆ.