ಜಮ್ಮು-ಕಾಶ್ಮೀರ - ಶಸ್ತ್ರಾಸ್ತ್ರ ಹಾಗೂ ಮದ್ದು ಗುಂಡುಗಳೊಂದಿಗೆ ಇಬ್ಬರು ಭದ್ರತಾ ಪಡೆ ಸಿಬ್ಬಂದಿಗಳು ಕಾಣೆ

•   Wed, Oct 14 2020 05:58:18 PM



• ಶ್ರೀನಗರ, ಅ. 14 (DaijiworldNews/PY): ಕಾಶ್ಮೀರದ ಬುಡ್ಗಾಮ್‌‌‌‌ ಜಿಲ್ಲೆಯ ಚಾಡೂರಾ ಹಾಗೂ ನಗಮ್‌ ಪ್ರದೇಶದ ಶಿಬಿರದಿಂದ ಎಸ್‌‌‌‌ಎಸ್‌‌ಬಿಯ ಸೈನಿಕ ಸೇರಿದಂತೆ ಇಬ್ಬರು ಭದ್ರತಾ ಪಡೆಗಳ ಸಿಬ್ಬಂದಿಗಳು ಕೆಲವು ಶಸ್ತ್ರಾಸ್ತ್ರಗಳು ಹಾಗೂ ಮದ್ದು ಗುಂಡುಗಳೊಂದಿಗೆ ನಾಪತ್ತೆಯಾಗಿದ್ದಾರೆ ಎಂದು ಬುಧವಾರ ಪೊಲೀಸರು ತಿಳಿಸಿದ್ದಾರೆ.

  

  ಸಾಂದರ್ಭಿಕ ಚಿತ್ರ

  ಚಾಡೂರದ ವಿಶೇಷ ಕಾರ್ಯಾಚರಣೆಯ ಗುಂಪಿನ ಶಿಬಿರದಿಂದ ಅಲ್ತಾಫ್‌‌ ಹಸೀನ್‌ ಎಂಬ ವಿಶೇಷ ಪೊಲೀಸ್‌‌ ಅಧಿಕಾರಿ ಕಾಣೆಯಾಗಿದ್ದಾನೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

  ಶಿಬಿರದಿಂದ ಎರಡು ಎಕೆ ರೈಫಲ್ಸ್‌‌‌ಗಳು ಹಾಗೂ ಮೂರು ನಿಯತಕಾಲಿಕೆಗಳು ನಾಪತ್ತೆಯಾಗಿದ್ದು, ಈ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

  ಇನ್ನೊಂದು ಘಟನೆಯಲ್ಲಿ, ಚಾದೂರಾ ಬಳಿಯ ನಗಮ್ ಎಸ್‌ಎಸ್‌ಬಿಯ ಕಾನ್‌ಸ್ಟೆಬಲ್ ಒಬ್ಬರು ಶಿಬಿರದಿಂದ ನಾಪತ್ತೆಯಾಗಿದ್ದು, ಅವರನ್ನು ಕೂಡಾ ಅಲ್ತಾಫ್‌‌‌ ಹುಸೇನ್‌ ಎಂದು ಕರೆಯುತ್ತಾರೆ. ಅಲ್ಲದೇ, ಐಎನ್‌ಎಸ್‌ಎಸ್‌ ರೈಫಲ್‌ನ ಮ್ಯಾಗಜಿನ್‌‌ವೊಂದು ಅವರೊಂದಿಗೆ ಕಾಣೆಯಾಗಿದೆ.