ನಿರ್ಭಯಾ ಪ್ರಕರಣದಲ್ಲಿ ಸೋತಿರುವ ವಕೀಲನಿಂದ ಹತ್ರಸ್ ಆರೋಪಿಗಳ ಪರ ವಕಾಲತ್ತು

•   Tue, Oct 06 2020 11:13:35 AM



• ನವದೆಹಲಿ, ಅ. 06 (DaijiworldNews/MB) : ದೇಶದಲ್ಲಿ ಭಾರೀ ಖಂಡನೆ ಹಾಗೂ ಆಕ್ರೋಶಕ್ಕೆ ಕಾರಣವಾಗಿದ್ದ ನಿರ್ಭಯಾ ಅತ್ಯಾಚಾರ ಪ್ರಕರಣದಲ್ಲಿ ಆರೋಪಿಗಳ ಪರವಾಗಿ ವಾದ ಮಾಡಿ ಸೋತಿರುವ ವಕೀಲ ಎ ಪಿ ಸಿಂಗ್ ಈಗ ಹತ್ರಸ್‌ ಸಾಮೂಹಿಕ ಅತ್ಯಾವಾರ ಪ್ರಕರಣದ ನಾಲ್ವರು ಆರೋಪಿಗಳ ಪರವಾಗಿ ವಕಾಲತ್ತು ವಹಿಸಲು ಮುಂದಾಗಿದ್ದಾರೆ.

  

  ಮೇಲ್ಜಾತಿಯ ಗುಂಪು ಅಖಿಲ್ ಭಾರತೀಯ ಕ್ಷತ್ರಿಯ ಮಹಾಸಭಾ ಹತ್ರಸ್‌ ಆರೋಪಿಗಳ ಪರ ವಕಾಲತ್ತು ಮಾಡಲು ಎಪಿ ಸಿಂಗ್ ಅವರನ್ನು ನೇಮಿಸಿದ್ದು ಈ ಪ್ರಕರಣಕ್ಕೆ ಸಂಬಂಧಿಸಿ ಸಲ್ಲಿಸಿರುವ ಅರ್ಜಿಯ ವಿಚಾರಣೆಯನ್ನು ಮುಖ್ಯ ನ್ಯಾಯಾಧೀಶ ಎಸ್. ಬೊಬ್ಡೆ ನೇತೃತ್ವದ ನ್ಯಾಯಪೀಠ ಇಂದು ನಡೆಸಲಾಗಿದೆ. ಇನ್ನು ಈ ವಿಚಾರಣೆ ಸ್ಥಳವನ್ನು ಉತ್ತರ ಪ್ರದೇಶದಿಂದ ದೆಹಲಿಗೆ ಬದಲಾಯಿಸುವಂತೆಯೂ ಅರ್ಜಿಯಲ್ಲಿ ಒತ್ತಾಯಿಸಲಾಗಿದೆ.

  2012 ರ ಡಿಸೆಂಬರ್‌ 16 ಎಂದು ದೇಶವನ್ನೇ ಬೆಚ್ಚಿ ಬೀಳಿಸಿದ ನಿರ್ಭಯಾ ಪ್ರಕರಣದ ಆರೋಪಿಗಳನ್ನು ಗಲ್ಲಿಗೇರಿಸಲಾಗಿದೆ.