'ದನ ಸತ್ತರೆ ರಣಹದ್ದು ಕಾಯುವ ಸ್ಥಿತಿ ಕಾಂಗ್ರೆಸ್‌‌ನದ್ದಾಗಿದೆ' - ಸಿ.ಟಿ. ರವಿ ವ್ಯಂಗ್ಯ

•   Fri, Oct 02 2020 12:43:33 PM



• ಚಿಕ್ಕಮಗಳೂರು, ಅ. 02(DaijiworldNews/PY): ಉತ್ತರಪ್ರದೇಶದಲ್ಲಿ ನಡೆದ ಅತ್ಯಾಚಾರ ಪ್ರಕರಣವನ್ನು ರಾಜಕೀಯ ದುರ್ಬಳಕೆ ಮಾಡಿಕೊಳ್ಳುವ ಮನೋಭಾವ ಉತ್ತಮವಲ್ಲ ಎಂದು ಸಚಿವ ಸಿ.ಟಿ.ರವಿ ಹೇಳಿದರು.

  

  ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಯುಪಿಯಲ್ಲಿ ನಡೆದ ಅತ್ಯಾಚಾರ ಪ್ರಕರಣವನ್ನು ಖಂಡಿಸುತ್ತೇನೆ. ಅತ್ಯಾಚಾರಿಗಳಿಗೆ ಶಿಕ್ಷೆಯಾಗಲೇಬೇಕು. ಆದರೆ, ಇದೇ ವಿಚಾರವನ್ನು ರಾಜಕೀಯ ದುರ್ಬಳಕೆ ಮಾಡಿಕೊಳ್ಳುವುದು ಸರಿಯಲ್ಲ. ದನ ಸತ್ತರೆ ರಣಹದ್ದು ಕಾಯುವ ರೀತಿಯ ಸ್ಥಿತಿ ಕಾಂಗ್ರೆಸ್‌‌ನದ್ದಾಗಿದೆ ಎಂದು ವ್ಯಂಗ್ಯ ಮಾಡಿದರು.

  ಗುರುವಾರ ಹತ್ರಸ್‌ ಸಾಮೂಹಿಕ ಅತ್ಯಾಚಾರ ಸಂತ್ರಸ್ತೆಯ ಕುಟುಂಬವನ್ನು ಭೇಟಿಯಾಗಲು ಕಾಲ್ನಡಿಗೆಯಲ್ಲೇ ಹೋದ ಕಾಂಗ್ರೆಸ್ ಮುಖಂಡರಾದ ರಾಹುಲ್ ಗಾಂಧಿ, ಪ್ರಿಯಾಂಕಾ ಗಾಂಧಿ ವಾದ್ರಾ ಅವರ ವಿಚಾರವಾಗಿ ಪ್ರತಿಕ್ರಿಯಿಸಿದ ಅವರು, ಇವರು ಸಾಂತ್ವಾನ ಹೇಳುವ ಸಲುವಾಗಿ ಹತ್ರಸ್‌‌‌‌‌‌‌ಗೆ ಹೊರಟಿರಲಿಲ್ಲ ಬದಲಾಗಿ ಪ್ರದರ್ಶನ ಮಾಡುವುದಕ್ಕೆ ಹೊರಟಿದ್ದರು. ಇದು ಸಾಂತ್ವಾನ ಮಾಡುವ ರೀತಿಯಲ್ಲ ಎಂದು ತಿಳಿಸಿದರು.