ಮುಂಬೈಯಲ್ಲಿರುವ ಕಂಗನಾ ರಣಾವತ್‌ರ ಮಣಿಕರ್ಣಿಕಾ ಕಚೇರಿ ಬಿಎಂಸಿಯಿಂದ ಧ್ವಂಸ

•   Wed, Sep 09 2020 01:14:54 PM



• ಮುಂಬೈ, ಸೆ 09 (DaijiworldNews/PY): ಬಾಲಿವುಡ್‌ ನಟಿ ಕಂಗನಾ ರಣಾವತ್‌ ಹಾಗೂ ಮಹಾರಾಷ್ಟ್ರ ಸರ್ಕಾರದ ನಡುವೆ ಜಟಾಪಟಿ ಮುಂದುವರೆದಿದ್ದು, ಈ ನಡುವೆ, ಬಿಎಂಸಿ ಅಧಿಕಾರಿಗಳು ಬುಧವಾರ ಬೆಳಿಗ್ಗೆ ಮುಂಬೈನ ಪ್ರತಿಷ್ಠಿತ ಪಾಲಿ ಹಿಲ್ ಪ್ರದೇಶದಲ್ಲಿರುವ ಮಣಿಕರ್ಣಿಕಾ ಫಿಲ್ಮ್ ಕಚೇರಿಯನ್ನು ನೆಲಸಮಗೊಳಿಸಲು ಆರಂಭಿಸಿದ್ದಾರೆ.

  

  ಬುಧವಾರ ಬೆಳಗ್ಗೆ ಬೃಹತ್‌ ಮುಂಬೈಯ ಮಹಾನಗರ ಪಾಲಿಕೆ (ಬಿಎಂಸಿ) ಅಧಿಕಾರಿಗಳು ಕಟ್ಟಡವನ್ನು ನೆಲಸಮಗೊಳಿಸಲು ಆರಂಭಿಸಿದ್ದಾರೆ.

  ಈ ಬಗ್ಗೆ ಟ್ವೀಟ್‌ ಮಾಡಿರುವ ಕಂಗನಾ, ಮಣಿಕರ್ಣಿಕಾ ಕಚೇರಿಯನ್ನು ನೆಲಸಮ ಮಾಡುವ ಬಗ್ಗೆ ತಿಳಿಸಿದ್ದಾರೆ. ಇದು ಕಟ್ಟಡವಲ್ಲ ರಾಮಮಂದಿರ. ಇಂದು ಇದನ್ನು ಧ್ವಂಸ ಮಾಡಲು ಬಾಬರ್‌‌‌ ಬಂದಿದ್ದಾರೆ. ರಾಮ ದೇವಾಲಯ ಧ್ವಂಸವಾಗುತ್ತದೆ. ಆದರೆ, ಈ ದೇವಾಲಯವನ್ನು ಮತ್ತೆ ನಿರ್ಮಿಸಲಾಗುವುದು. ಜೈಶ್ರೀರಾಮ್‌ ಎಂದು ಬರೆದುಕೊಂಡಿದ್ದಾರೆ.

  ಕಚೇರಿ ನೆಲಸಮ ಮಾಡುವ ಬಗ್ಗೆ ಕಂಗನಾರಣಾವತ್‌ ಅವರಿಗೆ ಬೃಹತ್‌ ಮುಂಬೈಯ ಮಹಾನಗರ ಪಾಲಿಕೆ ಅಧಿಕಾರಿಗಳು ಮಂಗಳವಾರ ನೋಟಿಸ್‌ ನೀಡಿದ್ದರು. ಅಲ್ಲದೇ, ಈ ಬಗ್ಗೆ 24 ಗಂಟೆಯೊಳಗೆ ಪ್ರತಿಕ್ರಿಯೆ ನೀಡುವಂತೆ ತಿಳಿಸಿದ್ದರು.

  मणिकर्णिका फ़िल्म्ज़ में पहली फ़िल्म अयोध्या की घोषणा हुई, यह मेरे लिए एक इमारत नहीं राम मंदिर ही है, आज वहाँ बाबर आया है, आज इतिहास फिर खुद को दोहराएगा राम मंदिर फिर टूटेगा मगर याद रख बाबर यह मंदिर फिर बनेगा यह मंदिर फिर बनेगा, जय श्री राम , जय श्री राम , जय श्री राम 🙏 pic.twitter.com/KvY9T0Nkvi

  — Kangana Ranaut (@KanganaTeam) September 9, 2020