'ದೇಶದ ಜಿಡಿಪಿಯಲ್ಲಿನ ಕುಸಿತ ಎಚ್ಚರಿಕೆಯ ಕರೆಗಂಟೆ'- ರಘುರಾಮ್ ರಾಜನ್

•   Mon, Sep 07 2020 05:12:38 PM



• ನವದೆಹಲಿ, ಸೆ.7(DaijiworldNews/HR): ಜೂನ್ ತಿಂಗಳಿಗೆ ಅಂತ್ಯವಾದ ತ್ರೈಮಾಸಿಕದಲ್ಲಿ ಆರ್ಥಿಕ ಬೆಳವಣಿಗೆಯಲ್ಲಿ ಶೇ 23.9 ರಷ್ಟು ಕುಸಿತ ಕಂಡಿರುವುದು ಎಚ್ಚರಿಕೆಯ ಕರೆಗಂಟೆ ಎಂದು ರಿಸರ್ವ್ ಬ್ಯಾಂಕ್ ಮಾಜಿ ಗವರ್ನರ್ ರಘುರಾಮ್ ರಾಜನ್ ಹೇಳಿದ್ದಾರೆ.

  

  ಪ್ರಸ್ತುತ ಬಿಕ್ಕಟ್ಟಿಗೆ ಹೆಚ್ಚು ಚಿಂತನಶೀಲ ಮತ್ತು ಕ್ರಿಯಾಶೀಲ ಸರ್ಕಾರಿ ನೀತಿ ಅಗತ್ಯವಿದೆ, ದುರದೃಷ್ಟವಶಾತ್, ಆರಂಭಿಕ ಚಟುವಟಿಕೆಯ ಅತಿರೇಕದ ನಂತರ ಅದು ಚಿಪ್ಪಿನೊಳಗೆ ಅಡಗಿರುವಂತೆ ಕಾಣುತ್ತಿದೆ. "ಆರ್ಥಿಕ ಬೆಳವಣಿಗೆಯ ತೀವ್ರ ಕುಸಿತವು ನಮ್ಮೆಲ್ಲರಿಗೆ ಎಚ್ಚರಿಕೆ. ಭಾರತದಲ್ಲಿ ಶೇಕಡಾ 23.9 ರಷ್ಟು ಸಂಕೋಚನ, ಇಟಲಿಯಲ್ಲಿ ಶೇಕಡಾ 12.4 ರಷ್ಟು ಕುಸಿತದೊಂದಿಗೆ ಹೋಲಿಸುತ್ತೇನೆ ಎಂದು ರಾಜನ್ ತಮ್ಮ ಲಿಂಕ್ಡ್ ಇನ್ ಪೋಸ್ಟ್ ನಲ್ಲಿ ಬರೆದಿದ್ದಾರೆ.

  ಇನ್ನು ಕೊರೊನಾ ಸಾಂಕ್ರಾಮಿಕ ರೋಗವು ಭಾರತದಲ್ಲಿ ಇನ್ನೂ ಉಲ್ಬಣಗೊಳ್ಳುತ್ತಿದೆ, ಆದ್ದರಿಂದ ವಿವೇಚನೆಯ ಖರ್ಚು, ವಿಶೇಷವಾಗಿ ಹೆಚ್ಚಿನ ವೈರಸ್ ಇರುವವರೆಗೂ ರೆಸ್ಟೋರೆಂಟ್‌ಗಳಂತಹ ಸಂಪರ್ಕ ಸೇವೆಗಳು ಮತ್ತು ಅದಕ್ಕೆ ಸಂಬಂಧಿಸಿದ ಉದ್ಯೋಗಗಳು ಕಡಿಮೆ ಇರಲಿದೆ. ಸರ್ಕಾರ ಹೆಚ್ಚಿನ ನೆರವನ್ನು ನೀಡಲು ಹಿಂಜರಿಯುತ್ತಿದೆ. ಏಕೆಂದರೆ ಅದು ಭವಿಷ್ಯದ ಖರ್ಚಿಗಾಗಿ ಸಂಪನ್ಮೂಲಗಳನ್ನು ಸಂರಕ್ಷಿಸಲು ಬಯಸಿದೆ. "ಈ ತಂತ್ರ ಸ್ವಯಂ ಸೋಲಿಗೆ ಕಾರಣವಾಗುತ್ತದೆ" ಎಂದಿದ್ದಾರೆ.

  ವಿಶ್ವವು ಭಾರತಕ್ಕಿಂತ ಮುಂಚೆಯೇ ಚೇತರಿಸಿಕೊಳ್ಳುತ್ತದೆ, ಆದ್ದರಿಂದ ರಫ್ತು ಹೆಚ್ಚಿಸಲು ಒಂದು ಮಾರ್ಗವಾಗಿದೆ ಎಂದು ಅವರು ಹೇಳಿದರು ಕೊರೊನಾ ವೈರಸ್ ಮತ್ತು ನಂತರದ ಲಾಕ್‌ಡೌನ್‌ನಿಂದ ಉಂಟಾದ ಆರ್ಥಿಕ ಬಿಕ್ಕಟ್ಟಿನ ಬಗ್ಗೆ ರಾಷ್ಟ್ರದ ಆರ್ಥಿಕ ಏರಿಳಿತಕ್ಕೆ ಸಹಾಯ ಮಾಡಲು ಸರ್ಕಾರವು ಮೇ 21ರಂದು ಸುಮಾರು 21 ಲಕ್ಷ ಕೋಟಿ ರೂ. ಪ್ಯಾಕೇಜ್ ಘೋಷಿಸಿದೆ ಎಂದರು.