'2021ರ ಆರಂಭದಲ್ಲಿ ಚಂದ್ರಯಾನ-3 ಯೋಜನೆ ಪ್ರಾರಂಭ ಸಾಧ್ಯತೆ' - ಜಿತೇಂದ್ರ ಸಿಂಗ್‌

•   Mon, Sep 07 2020 08:15:21 AM



• ನವದೆಹಲಿ, ಸೆ 07 (DaijiworldNews/PY): 2021ರ ಆರಂಭದಲ್ಲಿ ಚಂದ್ರಯಾನ-3 ಯೋಜನೆಯನ್ನು ಪ್ರಾರಂಭಿಸುವ ಸಾಧ್ಯತೆ ಇದೆ ಎಂದು ಬಾಹ್ಯಾಕಾಶ ಇಲಾಖೆಯ ರಾಜ್ಯ ಸಚಿವ ಜಿತೇಂದ್ರ ಸಿಂಗ್‌ ಹೇಳಿದ್ದಾರೆ.

  

  ಚಂದ್ರಯಾನ-2ರಂತೆ ಇದು ಆರ್ಬಿಟರ್‌‌‌‌‌‌‌‌‌‌ ಅನ್ನು ಹೊಂದಿರುವುದಿಲ್ಲ. ಆದರೆ, ಲ್ಯಾಂಡರ್‌‌ ಹಾಗೂ ರೋವರ್‌ ಅನ್ನು ಇದು ಒಳಗೊಂಡಿರುತ್ತದೆ ಎಂದಿದ್ದಾರೆ.

  ಕಳೆದ ವರ್ಷ ಚಂದ್ರಯಾನ-2 ಯೋಜನೆಯು ಸೆಪ್ಟೆಂಬರ್‌ನಲ್ಲಿ ಪೂರ್ಣಗೊಂಡಿತ್ತು. ಆದರೆ, ಇದು ಸಾಫ್ಟ್‌ ಲ್ಯಾಂಡಿಂಗ್‌‌ ಯಶಸ್ವಿಯಾಗಿ ಪೂರ್ಣವಾಗಿರಲಿಲ್ಲ. ಈ ವರ್ಷದ ಕೊನೆಯಲ್ಲಿ ಚಂದ್ರಯಾನ-3 ಯೋಜನೆಯಡಿ ಉಪಗ್ರಹ ಉಡಾವಣೆ ಮಾಡುವುದಾಗಿ ಬಾಹ್ಯಾಕಾಶ ಸಂಸ್ಥೆ ಇಸ್ರೋ ತಿಳಿಸಿತ್ತು. ಆದರೆ, ಕೊರೊನಾ ಹಿನ್ನೆಲೆ ಈ ಯೋಜನೆ ವಿಳಂಬವಾಗಿದೆ.