ಕೇಂದ್ರ ಆರೋಗ್ಯ ಸಚಿವ ಹರ್ಷವರ್ಧನ ಅವರಿಗೆ ಮಾತೃವಿಯೋಗ

•   Sun, Sep 06 2020 04:44:06 PM



• ನವದೆಹಲಿ, ಸೆ 6(DaijiworldNews/HR): ಕೇಂದ್ರ ಆರೋಗ್ಯ ಸಚಿವ ಡಾ. ಹರ್ಷವರ್ಧನ ಅವರ ತಾಯಿ ಸ್ನೇಹಲತಾ ಗೋಯೆಲ್ (89) ಅವರು ಹೃದಯಾಘಾತದಿಂದ ನಿಧನರಾಗಿದ್ದಾರೆ.

  

  ಈ ಬಗ್ಗೆ ಟ್ವೀಟ್ ಮಾಡಿರುವ ಸಚಿವ ಡಾ. ಹರ್ಷವರ್ಧನ 'ನಮ್ಮ ತಾಯಿಯವರ ಅಪೇಕ್ಷೆಯಂತೆ, ಅವರ ಕಣ್ಣುಗಳನ್ನು ಅಖಿಲ ಭಾರತ ವೈದ್ಯಕೀಯ ಮಹಾವಿದ್ಯಾಲಯಕ್ಕೆ ಹಾಗೂ ಅವರ ದೇಹವನ್ನು ಮೌಲಾನಾ ಅಝಾದ್ ವೈದ್ಯಕೀಯ ಕಾಲೇಜಿಗೆ ದಾನ ಮಾಡುತ್ತೇವೆ. 'ತಮ್ಮ ತಾಯಿಯವರ ದೇಹದಾನದ ಕ್ರಮ ಸಮಾಜಕ್ಕೆ ಸ್ಪೂರ್ತಿಯಾಗಲಿ' ಎಂದು ಅವರು ತಿಳಿಸಿದ್ದಾರೆ.

  'ಈ ಭೂಮಿಯ ಮೇಲೆ ನಾನು ಅತ್ಯಂತ ಪ್ರೀತಿಸುತ್ತಿದ್ದ ವ್ಯಕ್ತಿ ನನ್ನ ತಾಯಿ. ಈಗ ಅವರು ನನ್ನನ್ನು ಬಿಟ್ಟು ಹೋಗಿದ್ದಾರೆ. ಅವರದು ಬಹಳ ಅತ್ಯುನ್ನತ ವ್ಯಕ್ತಿತ್ವ. ಅವರೊಬ್ಬ ತತ್ವಜ್ಞಾನಿ ಮತ್ತು ನನ್ನ ಮಾರ್ಗದರ್ಶಿಯಾಗಿದ್ದರು. ಅವರ ಅಗಲಿಕೆಯಿಂದ ನನಗೆ ತುಂಬಲಾರದ ನಷ್ಟವಾಗಿದೆ. ಆ ನಷ್ಟವನ್ನು ಯಾರೂ ತುಂಬಿಕೊಡಲಾರರು. ಅವರ ಆತ್ಮಕ್ಕೆ ಶಾಂತಿ ಸಿಗಲಿ' ಎಂದು ಟ್ವೀಟ್ ಮಾಡಿದ್ದಾರೆ.

  Heartbroken to inform that my dearest person on earth, my Mother, has left for heavenly abode.
  She was 89 & suffered a cardiac arrest today morning.
  A towering personality, my guide & philosopher, she has left a void in my life that none can fill.
  May her pious soul find peace. pic.twitter.com/wCAm0P74OC

  — Dr Harsh Vardhan (@drharshvardhan) September 6, 2020