ವಿಜಯಪುರ ಜಿಲ್ಲಾ ಕಾಂಗ್ರೆಸ್ ಮಾಜಿ ಅಧ್ಯಕ್ಷ ರವಿಗೌಡ ಪಾಟೀಲ ನಿಧನ

•   Sun, Sep 06 2020 03:22:28 PM



• ವಿಜಯಪುರ, ಸೆ 6(DaijiworldNews/HR): ವಿಜಯಪುರ ಜಿಲ್ಲೆಯ ಕಾಂಗ್ರೆಸ್ ಪಕ್ಷದ ಮಾಜಿ ಅಧ್ಯಕ್ಷ ರವಿಗೌಡ ಪಾಟೀಲ ಇಂದು ನಿಧನರಾಗಿದ್ದಾರೆ.

  

  ಅನಾರೋಗ್ಯ ಪೀಡಿತರಾಗಿದ್ದು ರವಿ ನಗರದ ಬಿಎಲ್ ಡಿಇ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಅವರನ್ನು ಹೆಚ್ಚಿನ ಚಿಕಿತ್ಸೆಗಾಗಿ ವಾರದ ಹಿಂದೆ ಸೋಲಾಪುರ ಆಸ್ಪತ್ರೆಗೆ ದಾಖಲಿಸಿತ್ತು. ನಂತರ ಕೆಲ ದಿನಗಳ ಹಿಂದಷ್ಟೇ ಪುಣೆ ಆಸ್ಪತ್ರೆಗೆ ದಾಖಲಿಸಲಾಗಿತ್ತು ಆದರೆ ಚಿಕಿತ್ಸೆ ಫಲಿಸದೇ ಇಂದು ಹೃದಯಾಘಾತದಿಂದ ಮೃತಪಟ್ಟಿದ್ದಾರೆ.

  15 ದಿನಗಳ ಹಿಂದಷ್ಟೇ ರವಿಗೌಡ ಪಾಟೀಲ ತಂದೆ ವಿಠ್ಠಲಗೌಡ ಪಾಟೀಲ ನಿಧರಾಗಿದ್ದು, ಆಗಲೇ ರವಿಗೌಡ ಅನಾರೋಗ್ಯ ಪೀಡಿತರಾಗಿದ್ದರು.

  ರವಿಗೌಡ ನಿಧನಕ್ಕೆ ಮಾಜಿ ಸಚಿವರಾದ ಜಿಲ್ಲೆಯ ಹಾಲಿ ಶಾಸಕರಾದ ಡಾ.ಎಂ.ಬಿ.ಪಾಟೀಲ, ಶಿವಾನಂದ ಪಾಟೀಲ, ಯಶವಂತ್ರಾಯಗೌಡ ಪಾಟೀಲ ಸಂತಾಪ ವ್ಯಕ್ತಪಡಿಸಿದ್ದಾರೆ.