ಎಲೆಕ್ಟ್ರಾನಿಕ್ಸ್​ ಚಿಪ್​ ಬಳಸಿ ಗ್ರಾಹಕರಿಗೆ ಮೋಸ ಮಾಡುತ್ತಿದ್ದ 33 ಪೆಟ್ರೋಲ್​ ಪಂಪ್ ಗಳು​ ಸೀಜ್ ​

•   Sun, Sep 06 2020 02:55:13 PM



• ಹೈದರಾಬಾದ್​, ಸೆ 6(DaijiworldNews/HR): ತೆಲಂಗಾಣ ಹಾಗೂ ಆಂಧ್ರ ಪ್ರದೇಶದಲ್ಲಿ ಗ್ರಾಹಕರಿಗೆ ಪೆಟ್ರೋಲ್ ಪಂಪ್‌ಗಳಲ್ಲಿ ಇಂಧನ ಪೂರೈಸುವ ಯಂತ್ರಗಳಲ್ಲಿ ಮೋಸವೆಸಗುತ್ತಿದ್ದ 33 ಪೆಟ್ರೋಲ್​ ಬಂಕ್​ಗಳನ್ನು ಸೈಬರಬಾದ್ ಪೊಲೀಸರು ಸೀಜ್​ ಮಾಡಿದ್ದಾರೆ.

  

  ಪೆಟ್ರೋಲ್​ ಬಂಕ್​ನಲ್ಲಿ ಇಂಧನ ತುಂಬುವಾಗ ಮೀಟರ್​ನಲ್ಲಿ ಕೈಚಳಕ ತೋರುವಂತೆ ಎಲೆಕ್ಟ್ರಾನಿಕ್ಸ್​ ಚಿಪ್​ ಬಳಸುತ್ತಿದ್ದ ಅಂತಾರಾಜ್ಯ ಖದೀಮರ ಗ್ಯಾಂಗ್​ ಬಂಧಿಸಿದ ಬೆನ್ನಲ್ಲೇ 33 ಪೆಟ್ರೋಲ್​ ಬಂಕ್​ಗಳನ್ನು ಪೊಲೀಸರು ಸೀಜ್​ ಮಾಡಿದ್ದಾರೆ.

  ಈ ಗ್ಯಾಂಗ್​ ಬಂಕ್​​ಗಳಲ್ಲಿ ಇಂಧನ ತುಂಬುವ ಯಂತ್ರಕ್ಕೆ ಇಂಟಿಗ್ರೇಟೆಡ್​ ಚಿಪ್​ ಅಳವಡಿಸಿ, ಮೀಟರ್​ನಲ್ಲಿ ಸರಿಯಾದ ಅಂಕಿ-ಅಂಶ ಮತ್ತು ಕಡಿಮೆ ಇಂಧನ ತುಂಬುವಂತೆ ಮಾಡಿ ತಮ್ಮ ಕೈಚಳಕವನ್ನು ತೋರಿ ಕೋಟ್ಯಾಂತರ ಹಣವನ್ನು ಗ್ರಾಹಕರಿಗೆ ಮೋಸ ಮಾಡುತ್ತಿದ್ದರು.

  ಪ್ರತಿ ಸಾವಿರ ಮಿಲಿ ಲೀಟರ್​ಗೆ 970 ಮಿಲಿಲೀಟರ್​ ಪೆಟ್ರೋಲ್ ಅಥವಾ ಡೀಸೆಲ್​​ ಮಾತ್ರ ಹೊರ ಬರುವಂತೆ ಚಿಪ್​ ಅಳವಡಿಸಿದ್ದರು. ಸೀಜ್​ ಮಾಡಿರುವ 33 ಬಂಕ್​ಗಳಲ್ಲಿ 17 ಪಂಪ್​ ಇಂಡಿಯನ್​ ಆಯಿಲ್​ ಕಾರ್ಪೋರೇಷನ್ ಲಿಮಿಟೆಡ್​, (9)ಭಾರತ್​ ಪೆಟ್ರೋಲಿಯಂ ಕಾರ್ಪೋರೇಷ್​ ಲಿಮಿಟೆಡ್​ , (2)ಹಿಂದೂಸ್ಥಾನ್​ ಪೆಟ್ರೋಲಿಯಂ ಕಾರ್ಪೋರೇಷನ್ ಲಿಮಿಟೆಡ್​ ಮತ್ತು ಉಳಿದ ಎರಡು ಬಂಕ್​ ಎಸ್ಸಾರ್​ಗೆ ಸೇರಿದ್ದಾಗಿವೆ. ​

  ಈ ಇಂಟಿಗ್ರೇಟೆಡ್​ ಚಿಪ್ಸ್​ಗಳನ್ನು ಬಂಕ್​ ಮಾಲೀಕರ ಒಪ್ಪಿಗೆ ಪಡದೇ ಅಳವಡಿಸುತ್ತಿದ್ದು, ಈ ಮೂಲಕ ಕೋಟ್ಯಾಂತರ ರೂಪಾಯಿಯನ್ನು ಗ್ರಾಹಕರಿಗೆ ಗೊತ್ತಿಲ್ಲದೇ ಅಕ್ರಮವಾಗಿ ಸಂಗ್ರಹಿಸಿದ್ದಾರೆಂದು ಸೈಬರಾಬಾದ್​ ಪೊಲೀಸ್​ ಆಯುಕ್ತ ವಿ.ಸಿ ಸಜ್ಜನರ್​ ಮಾಹಿತಿ ನೀಡಿದ್ದಾರೆ.

  #CYBERABADPOLICE APPREHENSION OF INTERSTATE GANG INDULGING IN CHEATING AND IRREGULARITIES IN FUEL STATIONS ACROSS THE COUNTRY.https://t.co/A4HRTTkQlY@TelanganaDGP @hydcitypolice @RachakondaCop @TelanganaCOPs pic.twitter.com/RUrd1fjmuE

  — Cyberabad Police (@cyberabadpolice) September 5, 2020