ಬಿಜೆಪಿಗೂ, ನಟಿ ರಾಗಿಣಿ ದ್ವಿವೇದಿಗೂ ಯಾವುದೇ ರೀತಿಯ ಸಂಬಂಧವಿಲ್ಲ

•   Sun, Sep 06 2020 01:56:55 PM



• ಬೆಂಗಳೂರು, ಸೆ 06 (DaijiworldNews/PY): ಡ್ರಗ್ಸ್‌ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಿಸಿಬಿ ಪೊಲೀಸರ ಬಂಧನಕ್ಕೊಳಗಾಗಿರುವ ನಟಿ ರಾಗಿಣಿ ದ್ವಿವೇದಿ ಹಾಗೂ ಪಕ್ಷಕ್ಕೆ ಯಾವುದೇ ಸಂಬಂಧವಿಲ್ಲ ಎಂದು ಬಿಜೆಪಿ ಸ್ಪಷ್ಟನೆ ನೀಡಿದೆ.

  

  ಚುನಾವಣೆಯ ಸಂದರ್ಭ ಹಲವಾರು ನಟಿಯರು ಸ್ವಯಂ ಆಗಿ ಚುನಾವಣಾ ಪ್ರಚಾರ ಮಾಡಿದ್ದರು, ಇದೇ ರೀತಿ ರಾಗಿಣಿ ಅವರು ಕೂಡಾ ಸ್ವಯಂಪ್ರೇರಿತರಾಗಿ ಅಭ್ಯರ್ಥಿಗಳ ಪರ ಪ್ರಚಾರ ಮಾಡಿದ್ದರು. ಹೀಗೆಂದು ಪಕ್ಷಕ್ಕೆ ಹಾಗೂ ಅವರಿಗೆ ಸಂಬಂಧವಿದೆ ಎನ್ನುವುದು ಸರಿಯಲ್ಲ ಎಂದು ಹೇಳಿದೆ.

  ಈ ವಿಚಾರ ಮಾತ್ರವಲ್ಲದೇ, ರಾಗಿಣಿ ಅವರು ಪಕ್ಷದ ಕಾರ್ಯಕರ್ತರಲ್ಲ. ಅಭ್ಯರ್ಥಿಗಳ ಒತ್ತಾಯದ ಮೇರೆಗೆ ವಿಧಾನಸಭೆ ಚುನಾವಣೆಯಲ್ಲಿ ಪ್ರಚಾರ ನಡೆಸಿರಬಹುದು. ಆದರೆ, ಪ್ರಚಾರದ ಸಲುವಾಗಿ ಪಕ್ಷ ಅವರನ್ನು ಆಹ್ವಾನಿಸಿರಲಿಲ್ಲ ಎಂದು ಪಕ್ಷ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.