ಹುಟ್ಟಿದ ಒಂದೇ ದಿನದಲ್ಲಿ ಅವಳಿ ಹೆಣ್ಣು ಮಕ್ಕಳಿಗೆ ವಿಷವುಣಿಸಿದ ತಂದೆ!

•   Sat, Sep 05 2020 03:41:40 PM



• ಹೈದರಾಬಾದ್, ಸೆ 05 (DaijiworldNews/PY): ಹುಟ್ಟಿದ ಒಂದೇ ದಿನದಲ್ಲಿ ತಂದೆಯೋರ್ವ ಅವಳಿ ಹೆಣ್ಣು ಮಕ್ಕಳಿಗೆ ವಿಷವುಣಿಸಿದ ಅಮಾನವೀಯ ಘಟನೆ ತೆಲಂಗಾಣದ ಮೆಹಬೂಬ್ ನಗರ ಜಿಲ್ಲೆಯ ಗಂಡೀಡ್​​ ಮಂಡಲದ ನಾಂಚೆರ್ಲಾದಲ್ಲಿ ನಡೆದಿದೆ.

  

  ದಂಪತಿಗಳಿಗೆ ಮದುವೆಯಾಗಿ ಅನೇಕ ವರ್ಷಗಳಾದರೂ ಮಕ್ಕಳಾಗದೇ ಇದ್ದು, ಪೂಜೆ, ವ್ರತ ಮಾಡಿದ್ದಾರೆ. ಹೀಗಿರುವಾಗ ಹುಟ್ಟಿದ ಮಕ್ಕಳಿಗೆ ತಂದೆಯೇ ವಿಷವುಣಿಸಿದ್ದಾನೆ.

  ಘಟನೆಯ ಬಗ್ಗೆ ತಿಳಿದ ತೆಲಂಗಾಣ ಸಚಿವ ವಿ ಶ್ರೀನಿವಾಸ್​ ಗೌಡ ಆಸ್ಪತ್ರೆಗೆ ಧಾವಿಸಿದ್ದು, ಎಷ್ಟೇ ಖರ್ಚಾದರೂ ಪರವಾಗಿಲ್ಲ, ಮಕ್ಕಳ ಜೀವ ಉಳಿಸಿ ಎಂದು ವೈದ್ಯರಲ್ಲಿ ಮನವಿ ಮಾಡಿದ್ದಾರೆ. ಈಗಾಗಲೇ ತಂದೆಗೆ ಓರ್ವ ಹೆಣ್ಣು ಮಗುವಿದ್ದು, ಎರಡನೇ ಬಾರಿಯೂ ಕೂಡಾ ಅವಳಿ ಹೆಣ್ಣು ಮಕ್ಕಳಾದ ಕಾರಣ ಆತ ಮಕ್ಕಳಿಗೆ ವಿಷವುಣಿಸಿದ್ದಾನೆ.

  ಈ ಬಗ್ಗೆ ಆತನ ವಿರುದ್ದ ಕಠಿಣ ಕ್ರಮ ಕೈಗೊಳ್ಳುವಂತೆ ಸಚಿವ ಶ್ರೀನಿವಾಸ್​ ಗೌಡ ಪೊಲೀಸರಿಗೆ ತಿಳಿಸಿದ್ದಾರೆ.