ಕೊರೊನಾದ ನಡುವೆ ಅದ್ದೂರಿಯಾಗಿ ನಡೆಯಿತು ಆಕರ್ಷಕ ಕೋತಿ ಹಬ್ಬ

•   Fri, Sep 04 2020 07:13:03 PM



• ತೃಕರಿಪುರ, ಸೆ 04 (DaijiworldNews/PY): ಕವಿಲ್‌ನಲ್ಲಿ ಕೋತಿಗಳ ಹಬ್ಬವು ಸತತ ಹದಿಮೂರನೇ ವರ್ಷದಿಂದ ನಡೆಯುತ್ತಿದ್ದು, ಕೊರೊನಾ ಸಾಂಕ್ರಾಮಿಕ ರೋಗವು ಇಡೀ ಪ್ರದೇಶವನ್ನು ಹಿಡಿದಿಟ್ಟುಕೊಂಡಿದ್ದರೂ ಕೂಡಾ ಇದರ ನಡುವೆ ಈ ವರ್ಷವೂ ಕೋತಿಗಳ ಹಬ್ಬ ಅದ್ಧೂರಿಯಾಗಿಯೇ ನಡೆಯಿತು.

  

  

  

  

  ಆಕರ್ಷಕ ಮಂಕಿ ಹಬ್ಬವನ್ನು ನೋಡಲು ದೇಶಾದ್ಯಂತ ಸಾವಿರಾರು ಜನರು ಬರುತ್ತಿದ್ದರು. ಆದರೆ, ಕೊರೊನಾ ಹಿನ್ನೆಲೆಯಲ್ಲಿ, ಈ ಬಾರಿ ಹಬ್ಬದ ದಿನಾಂಕ ಮತ್ತು ಸಮಯವನ್ನು ಮುಂಚಿತವಾಗಿ ಘೋಷಿಸಲಾಗಿಲ್ಲ. ಅಲ್ಲದೇ, ಸಾರ್ವಜನಿಕರು ಬಾರದಂತೆ ಅಭಿಯಾನವನ್ನು ರದ್ದುಪಡಿಸಲಾಗಿತ್ತು. ಹಬ್ಬದ ಆಚರಣೆಯ ನಿರ್ವಹಣೆಯನ್ನು ಆಟೋ ಚಾಲಕ ಕೆ. ಮಹೇಶ್ ವಹಿಸಿಕೊಂಡಿದ್ದರು.

  ಸುಮಾರು 30ಕ್ಕೂ ಅಧಿಕ ಮಂಗಗಳಿಗೆ ಬೀಟ್ರೂಟ್ ಅನ್ನು ಪಪಾಡಮ್ ಆಕಾರದಲ್ಲಿ ಕತ್ತರಿಸಿ ವಿವಿಧ ರೀತಿಯ ಹೋಳು ಮಾಡಿದ ಟೊಮ್ಯಾಟೊ, ಕ್ಯಾರೆಟ್, ಸೌತೆಕಾಯಿ, ಕೋರ್ಗೆಟ್, ಪಾನಕ, ಬಾಳೆಹಣ್ಣು, ಸಪೋಡಿಲ್ಲಾ, ಅನಾನಸ್ ಮತ್ತು ತೆಂಗಿನಕಾಯಿಯನ್ನು ಬಡಿಸಲಾಗಿತ್ತು.

  ಇದೇ ವೇಳೆ, ತ್ರಿಶೂರ್ ಮೃಗಾಲಯದ ಸಹಯೋಗದೊಂದಿಗೆ ನವೋದಯ ಗ್ರಂಥಾಲಯ ನಡೆಸಿದ ಅಧ್ಯಯನದ ಪ್ರಕಾರ, ಕವಿಲ್‌ಗೆ ಭೇಟಿ ನೀಡುವ ಪ್ರವಾಸಿಗರು ನೀಡುವ ಉಪ್ಪು ಮಿಶ್ರಿತ ತಿಂಡಿಗಳಿಂದ ಕೋತಿಗಳ ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರುತ್ತದೆ ಎಂದು ಅಧ್ಯಯನದ ವರದಿಯು ಉಲ್ಲೇಖಿಸಿದೆ.

  ಈ ಸಂದರ್ಭ, ಪಿ.ವೇಣುಗೋಪಾಲನ್, ಪಿ.ವಿ.ಪ್ರಭಾಕರನ್, ವಲಿಯಪರಂಬು ಗ್ರಾಮ ಪಂಚಾಯಿತಿ ಸದಸ್ಯರಾದ ವಿ.ಕೆ. ಕರುಣಕರನ್, ಎಂ.ಬಾಬು, ಟಿ.ಪಿ.ರಾಮಚಂದ್ರನ್ ಮತ್ತು ಎನ್.ವಿ.ಭಾಸ್ಕರನ್ ಉಪಸ್ಥಿತರಿದ್ದರು.