'ಕೇಂದ್ರದೊಂದಿಗೆ ಘರ್ಷಣೆ ಮಾಡಿ ಎಲ್ಲವನ್ನು ಪಡೆದುಕೊಳ್ಳಲು ಅಸಾಧ್ಯ' - ಸಚಿವ ಸುಧಾಕರ್

•   Wed, Sep 02 2020 07:13:11 PM



• ಚಿಕ್ಕಬಳ್ಳಾಪುರ, ಸೆ 02 (DaijiworldNews/PY): ಕಾಂಗ್ರೆಸ್ಸಿಗರಿಗೆ ಪದೇ ಪದೇ ಘರ್ಷಣೆ ಮಾಡಿ ಅಭ್ಯಾಸ. ಆದರೆ, ಈ ರೀತಿಯಾಗಿ ಕೇಂದ್ರದ ಜೊತೆ ಘರ್ಷಣೆ ಮಾಡಿದರೆ ಯಾವುದನ್ನು ಪಡೆದುಕೊಳ್ಳಲು ಸಾಧ್ಯವಿಲ್ಲ ಎಂದು ವೈದ್ಯಕೀಯ ಶಿಕ್ಷಣ ಸಚಿವ ಡಾ.ಕೆ.ಸುಧಾಕರ್ ಹೇಳಿದರು.

  

  ಬುಧವಾರ ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಕಾಂಗ್ರೆಸ್ಸಿಗರು ಈ ರೀತಿಯಾಗಿ ಪದೇ ಪದೇ ಘರ್ಷಣೆ ಮಾಡುತ್ತಿದ್ದರೆ ಕೇಂದ್ರದಿಂದ ಏನನ್ನೂ ಪಡೆಯಲು ಸಾಧ್ಯವಿಲ್ಲ. ಯಾವ ರೀತಿ ಹಣ ತರಬೇಕು, ಅಭಿವೃದ್ದಿ ಕಾರ್ಯ ಮಾಡಬೇಕು ಎನ್ನುವ ವಿಚಾರ ನಮಗೆ ತಿಳಿದಿದೆ ಎಂದರು.

  ಜಿಎಸ್‌‌ಟಿ ವಿಚಾರವಾಗಿ ಕೇಂದ್ರ ಸಚಿವರು ಹಾಗೂ ಮುಖ್ಯಮಂತ್ರಿ ಕೇಂದ್ರ ಸರ್ಕಾರದೊಂದಿಗೆ ಮಾತುಕತೆ ಮಾಡಲಿದ್ದು, ಈ ಬಗ್ಗೆ ಮನವಿ ಮಾಡಿ ನಮ್ಮ ಪಾಲನ್ನು ತೆಗೆದುಕೊಳ್ಳುತ್ತೇವೆ ಎಂದು ಹೇಳಿದರು.

  ಎಲ್ಲಾ ಶಾಸಕರ ಕ್ಷೇತ್ರಗಳಿಗೆ ಅನುದಾನ ಕಲ್ಪಿಸಲು ಸಿಎಂ ಅವರು ಪ್ರಾಮಾಣಿಕವಾದ ಪ್ರಯತ್ನ ನಡೆಸುತ್ತಿದ್ದಾರೆ. ಸರ್ಕಾರಗಳು ಸುಸ್ಥಿರವಾಗಿದ್ದರೂ ಕೂಡಾ ಯಾವುದೇ ಸರ್ಕಾರ ಕೂಡಾ ಸರಿಯಾದ ಸಮಯಕ್ಕೆ ಶಾಸಕರ ಕ್ಷೇತ್ರಾಭಿವೃದ್ದಿ ಅನುದಾನ ನೀಡಿಲ್ಲ ಎಂದರು.