'ಅಧ್ಯಕ್ಷರ ನೇಮಕ ಮಾಡಲು ಪೇಚಾಡುತ್ತಿರುವ ಕಾಂಗ್ರೆಸ್‌ ಇಂದು ವೃದ್ದಾಶ್ರಮವಾಗುತ್ತಿದೆ' - ನಳಿನ್‌ ವ್ಯಂಗ್ಯ

•   Thu, Aug 27 2020 12:43:15 PM



• ಕಲಬುರಗಿ, ಆ 27 (DaijiworldNews/PY): ಪಕ್ಷದ ಅಧ್ಯಕ್ಷರ ನೇಮಕ ಮಾಡಲು ಪೇಚಾಡುತ್ತಿರುವ ಕಾಂಗ್ರೆಸ್‌ ಇಂದು ವೃದ್ದಾಶ್ರಮವಾಗುತ್ತಿದೆ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್‌ ಕುಮಾರ್‌ ಕಟೀಲ್‌‌‌ ವ್ಯಂಗ್ಯ ಮಾಡಿದ್ದಾರೆ.

  

  ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಕಾಂಗ್ರೆಸ್‌ ಅಧಿಕಾರದಲ್ಲಿ ಇಲ್ಲದೇ ಇದ್ದ ಸಂದರ್ಭ ಕೋಲಾಹಲ ಮೂಡಿಸುತ್ತದೆ. ಗಲಭೆ ಸೃಷ್ಠಿ ಮಾಡಿ ಬೆಂಕಿ ಹಚ್ಚಿ ಸಂತೋಷ ಪಡುತ್ತಿರವವರು ಕೈ ನಾಯಕರೇ. ಸಿದ್ದರಾಮಯ್ಯ ಅವರು ಮುಖ್ಯಮಂತ್ರಿ ಆಗಿದ್ದ ಅವಧಿಯಲ್ಲಾದ ಹಗರಣಗಳನ್ನು ಬಯಲು ಮಾಡುತ್ತೇನೆ ಎಂದು ಕಿಡಿಕಾರಿದ್ದಾರೆ.

  ಟಿಪ್ಪು ವಿಚಾರವಾಗಿ ವಿಶ್ವನಾಥ್‌‌‌‌‌‌‌ ಹೇಳಿರುವ ಹೇಳಿಕೆ ಅವರ ವೈಯುಕ್ತಿಕ ವಿಷಯ. ಬಿಜೆಪಿಗೆ ಟಿಪ್ಪುವಿನ ಬಗ್ಗೆ ಉತ್ತಮವಾದ ನಿಲುವಿದೆ ಎಂದಿದ್ದಾರೆ.

  ಸಿಎಂ ಬಿಎಸ್‌‌ವೈ ಅವರು ದಕ್ಷರಾಗಿದ್ದು, ಸಮರ್ಥವಾಗಿ ಆಡಳಿತ ಮುನ್ನಡೆಸುತ್ತಿದ್ದಾರೆ. ಇವರಂತ ದಕ್ಷ ನಾಯಕ ಕಾಂಗ್ರೆಸ್‌‌‌ನಲ್ಲಿ ಕೂಡಾ ಇಲ್ಲ ಎಂದು ಹೇಳಿದ್ದಾರೆ.