ಮೊಬೈಲ್​ ಸಾಗಿಸ್ತಿದ್ದ ಟ್ರಕ್ ಹೈಜಾಕ್ - 6 ಕೋಟಿ ರೂ. ಮೌಲ್ಯದ ಮೊಬೈಲ್​ ​ಗಳನ್ನು ದೋಚಿ ಪರಾರಿ

•   Thu, Aug 27 2020 12:18:56 PM



• ಚಿತ್ತೂರು, ಆ.27(DaijiworldNews/HR): ಮೊಬೈಲ್​ ಸಾಗಿಸ್ತಿದ್ದ ಟ್ರಕ್ ಅನ್ನು ಹೆದ್ದಾರಿ ದರೋಡೆಕೋರರ ಗುಂಪೊಂದು ಹೈಜಾಕ್​ ಮಾಡಿ ಅದರಲ್ಲಿದ್ದ ಬರೋಬ್ಬರಿ 6 ಕೋಟಿ ರೂ. ಮೌಲ್ಯದ ಮೊಬೈಲ್​ ಫೋನ್​ಗಳನ್ನು ದೋಚಿ ಪರಾರಿಯಾದ ಘಟನೆ ಆಂಧ್ರಪ್ರದೇಶ-ತಮಿಳುನಾಡು ಗಡಿ ನಗರಿಯಲ್ಲಿ ನಡೆದಿದೆ.

  

  ಸುಮಾರು 15 ಸಾವಿರ ಮೊಬೈಲ್​ ಫೋನ್​ ಗಳನ್ನು ತುಂಬಿದ ಟ್ರಕ್​ ಚೆನ್ನೈನ ಶ್ರಿಪೆರಂಬದೂರ್​ ನಿಂದ ಮಹಾರಾಷ್ಟ್ರಕ್ಕೆ ತೆರಳುತ್ತಿದ್ದು, ಆರೋಪಿಗಳು ಶ್ರಿಪೆರಂಬದೂರ್​ನಿಂದ ಟ್ರಕ್​ ಬೆನ್ನಟ್ಟಿ ತಮಿಳುನಾಡು ಗಡಿ ದಾಟಿ ಆಂಧ್ರಪ್ರದೇಶಕ್ಕೆ ಪ್ರವೇಶಿಸುತ್ತಿದ್ದಂತೆ ಟ್ರಕ್​ ತಡೆದು ಬಳಿಕ ಚಾಲಕನಿಗೆ ಥಳಿಸಿ, ಬಲವಂತವಾಗಿ ಕೆಳಗಿಳಿಸಿ ಹೈಜಾಕ್​ ಮಾಡಿದ್ದಾರೆಂದು ಪೊಲೀಸರು ತಿಳಿಸಿದ್ದಾರೆ.

  ಚಾಲಕ ನೀಡಿದ ದೂರಿನಂತೆ ಆಂಧ್ರಪ್ರದೇಶದ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು, ವಿಶೇಷ ಪೊಲೀಸ್​ ತಂಡ ರಚನೆ ಮಾಡಿ ಟ್ರಕ್​ ಪತ್ತೆ ಕಾರ್ಯಾಚರಣೆಗೆ ಇಳಿದಿದ್ದು, ಟ್ರಕ್​ ಚೆನ್ನೈ-ತಿರುಪತಿ ಹೆದ್ದಾರಿಯಲ್ಲಿ ಪತ್ತೆಯಾಗಿದೆ ಎಂದು ತಿಳೀದು ಬಂದಿದೆ.

  ಟ್ರಕ್​ನಲ್ಲಿದ್ದ ಸುಮಾರು 6 ಕೋಟಿ ರೂ. ಮೌಲ್ಯದ ಪೋನ್ ಗಳನ್ನು ದರೊಡೆಕೋರರು ಲೂಟಿ ಮಾಡಿದ್ದಾರೆ. ಮತ್ತೊಂದು ವಾಹನದಲ್ಲಿ ಮೊಬೈಲ್​ಗಳನ್ನು ತುಂಬಿಕೊಂಡು ಟ್ರಕ್​ ಅಲ್ಲಿಯೇ ಬಿಟ್ಟು ಪರಾರಿಯಾಗಿದ್ದಾರೆ.