ಮತ್ತೆ ವಿಪಕ್ಷಗಳ ಒಗ್ಗೂಡಿಸುವ ತಂತ್ರ - ಬಿಜೆಪಿಯೇತರ ಮುಖ್ಯಮಂತ್ರಿಗಳ ಸಭೆ ಕರೆದ ಸೋನಿಯಾ

•   Wed, Aug 26 2020 03:13:01 PM



• ನವದೆಹಲಿ, ಆ 26 (DaijiworldNews/PY): ಇತ್ತೀಚೆಗೆ ಕಾಂಗ್ರೆಸ್‌‌ ನಾಯಕತ್ವದ ಬಿಕ್ಕಟ್ಟಿನ ವಿವಾದದಿಂದ ಹೊರಬಂದಿರುವ ಎಐಸಿಸಿ ಅಧ್ಯಕ್ಷೆ ಸೋನಿಯಾ ಗಾಂಧಿ ಮತ್ತೆ ವಿಪಕ್ಷಗಳ ಒಗ್ಗೂಡಿಸಲು ಮುಂದಾಗಿದ್ದು, ಬಿಜೆಪಿಯೇತರ ಮುಖ್ಯಮಂತ್ರಿಗಳ ಸಭೆ ಕರೆದಿದ್ದಾರೆ.

  

  ಏಳು ರಾಜ್ಯಗಳ ಮುಖ್ಯಮಂತ್ರಿಗಳು ವರ್ಚುವಲ್‌‌‌ ಸಭೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ.

  ರಾಜ್ಯಗಳಿಗೆ ಕೊರೊನಾದಿಂದ ಉಂಟಾದ ನಷ್ಟ ಸೇರಿದಂತೆ ಜೆಇಇ ಹಾಗೂ ನೀಟ್‌‌ ಪರೀಕ್ಷೆಯ ಬಗೆಗಿನ ವಿವಾದ ಹಾಗೂ ಜಿಎಸ್‌‌ಟಿ ಸಂಗ್ರಹದ ಬಗ್ಗೆ ಚರ್ಚೆ ನಡೆಸಲಿದ್ದಾರೆ ಎನ್ನಲಾಗಿದೆ.

  ಈಗಾಗಲೇ ಜೆಇಇ ಹಾಗೂ ನೀಟ್‌‌‌ ಪರೀಕ್ಷೆಗಳನ್ನು ಮುಂದಕ್ಕೆ ಹಾಕುವಂತೆ ಮಮತಾ ಬ್ಯಾನರ್ಜಿ ಅವರು ಪ್ರಧಾನಿ ಮೋದಿ ಅವರಿಗೆ ಪತ್ರ ಬರೆದಿದ್ದರು. ಅಲ್ಲದೇ, ಕೊರೊನಾ ಕಾರಣದಿಂದ ಪರೀಕ್‌ಎ ನಡೆಸುವುದು ಬೇಡ ಎಂದು ಕಾಂಗ್ರೆಸ್‌ ಒತ್ತಾಯಿಸಿದೆ.

  ಮಹಾರಾಷ್ಟ್ರ ಮುಖ್ಯಮಂತ್ರಿ ಉದ್ಧವ್ ಠಾಕ್ರೆ ಸೇರಿದಂತೆ ಜಾರ್ಖಂಡ್ ಮುಖ್ಯಮಂತ್ರಿ ಹೇಮಂತ್ ಸೋರೆನ್, ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಹಾಗೂ ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರಿಗೆ ಸೋನಿಯಾ ಗಾಂದಿ ಅವರೇ ಕರೆ ಮಾಡಿ ಸಭೆಗೆ ಪಾಲ್ಗೊಳ್ಳುವಂತೆ ತಿಳಿಸಿದ್ದರು.