ಗಂಟಲು ದ್ರವ ಮಾತ್ರವಲ್ಲ, ಬಾಯಿ ಮುಕ್ಕಳಿಸಿದ ನೀರಿನಿಂದಲೂ ಕೊರೊನಾ ಪರೀಕ್ಷೆ ಸಾಧ್ಯ - ಐಸಿಎಂಆರ್

•   Sat, Aug 22 2020 01:30:46 PM



• ನವದೆಹಲಿ, ಆ. 22(DaijiworldNews/HR): ಕೊರೊನಾ ಸೋಂಕು ಪತ್ತೆಗೆ ಗಂಟಲು ದ್ರವ ಪರೀಕ್ಷೆಯ ಪರ್ಯಾಯವಾಗಿ ಇದೀಗ ಶಂಕಿತ ಸೋಂಕಿತರ ಬಾಯಿ ಮುಕ್ಕಳಿಸಿದ ನೀರಿನಿಂದಲೇ ಪರೀಕ್ಷೆ ಸಾಧ್ಯವಿದೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಪರಿಷತ್‌ (ಐಸಿಎಂಆರ್‌) ಅಧ್ಯಯನವೊಂದು ಹೇಳಿದೆ.

  

  50 ಕೊರೊನಾ ಸೋಂಕಿತರಿಂದ ಗಂಟಲು ದ್ರವ ಮಾದರಿ ಮತ್ತು ಬಾಯಿಮುಕ್ಕಳಿಸಿದ ನೀರಿನ ಮಾದರಿಗಳ ಪರೀಕ್ಷೆಯ ಹೋಲಿಕೆಯನ್ನು ದೆಹಲಿಯ ಏಮ್ಸ್‌ ಆಸ್ಪತ್ರೆಯಲ್ಲಿ ನಡೆಸಿ ಅಧ್ಯಯನ ಮಾಡಲಾಗಿದ್ದು, ನೀರಿನ ಮಾದರಿಗಳಲ್ಲಿ ಎಲ್ಲವೂ ನಿಖರವಾದ ವರದಿಯನ್ನು ನೀಡಿದ್ದು ಸೋಂಕನ್ನು ದೃಢಪಡಿಸಿವೆ.ಸ್

  ಗಂಟಲು ದ್ರವ ಪರೀಷೆ ಬಹಳ ದುಬಾರಿಯಾಗಿದ್ದು, ಬಾಯಿ ಮುಕ್ಕಳಿಸಿದ ನೀರಿನ ಮಾದರಿ ಪರೀಕ್ಷೆ ತುಂಬ ಕಡಿಮೆ ವೆಚ್ಚದ್ದಾಗಿದೆ, ಸದ್ಯ ಬಳಕೆಯಲ್ಲಿರುವ ಗಂಟಲು ದ್ರವ ಸಂಗ್ರಹ ವ್ಯವಸ್ಥೆ ಮತ್ತು ಮಾದರಿ ಸಂಗ್ರಹಕಾರರ ಪಿಪಿಇ ಕಿಟ್‌ಗಳ ವೆಚ್ಚವನ್ನು ಕಡಿತಗೊಳಿಸಲು ಸಹಾಯಕವಾಗಲಿದೆ.

  ಇನ್ನು ಜರ್ಮನಿಯಲ್ಲೂ ವಿಜ್ಞಾನಿಗಳು ಈಗಾಗಲೇ ಇದನ್ನೇ ಮಾಡುತ್ತಿದ್ದಾರೆ.

  ಇದರಿಂದ ತೀವ್ರ ಅನಾರೋಗ್ಯಕ್ಕೆ ಒಳಗಾದ ಮತ್ತು ಸಣ್ಣ ಮಕ್ಕಳಿಂದ ಬಾಯಿಯ ನೀರಿನ ಮಾದರಿ ಪಡೆಯುವುದು ಸೋಂಕು ಪತ್ತೆಗೆ ಸುಲಭವಾಗಲಿದೆ ಎಂದು ತಿಳಿದು ಬಂದಿದೆ.