ಭದ್ರತಾ ಪಡೆಯಿಂದ ಎನ್‌‌ಕೌಂಟರ್‌ - ಎಲ್‌‌ಇಟಿ ಕಮಾಂಡರ್‌‌ ಸೇರಿ ಮೂವರು ಉಗ್ರರ ಹತ್ಯೆ

•   Tue, Aug 18 2020 10:53:58 AM



• ಜಮ್ಮು-ಕಾಶ್ಮೀರ, ಆ 18 (DaijiworldNews/PY): ಕಳೆದ ರಾತ್ರಿಯಿಂದ ಭದ್ರತಾ ಪಡೆಗಳು ಬಾರಾಮುಲ್ಲಾ ಜಿಲ್ಲೆಯಲ್ಲಿ ಕಾರ್ಯಚರಣೆ ನಡೆಸುತ್ತಿದ್ದು, ಈ ಕಾರ್ಯಾಚರಣೆಯಲ್ಲಿ ಲಷ್ಕರ್‌‌-ಇ-ತೊಯ್ಬಾ ಸಂಘಟನೆಯ ಇಬ್ಬರು ಉಗ್ರರನ್ನು ಸದೆಬಡೆದಿದ್ದಾರೆ.

  

  ಭದ್ರತಾ ಪಡೆ ನಡೆಸಿದ ಎರಡನೇ ಎನ್‌‌‌‌ಕೌಂಟರ್‌ ವೇಳೆ ಓರ್ವ ಯೋಧರಿಗೂ ಕೂಡಾ ಗಾಯವಾಗಿದ್ದು ಅವರನ್ನು ಶ್ರೀನಗರದ ಸೇನಾಸ್ಪತ್ರೆ ದಾಖಲಿಸಲಾಗಿದ್ದು, ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರೆ. ಕಾರ್ಯಚರಣೆಯ ವೇಳೆ ಭದ್ರತಾ ಪಡೆಯು ಲಷ್ಕರ್​ ಎ ತೊಯ್ಬಾದ ಉನ್ನತ ಕಮಾಂಡರ್​ ಸಜ್ಜಾದ್​​ನನ್ನು ಹತ್ಯೆಗೈದಿದ್ದು, ಸೇನೆ ಮಾಡಿರುವ ಉತ್ತಮ ಕಾರ್ಯವಾಗಿದೆ. ಸಜ್ಜಾದ್‌‌ ಹತ್ಯೆಯ ಬಳಿಕ ಸುಮಾರು 20 ಮಂದಿ ಯುವಕರನ್ನು ನಾವು ವಶಕ್ಕೆ ಪಡೆದುಕೊಂಡಿದ್ದೇವೆ ಎಂದು ಡಿಜಿಪಿ ದಿಲ್ ಬಾಗ್ ಸಿಂಗ್ ಮಾಹಿತಿ ನೀಡಿದ್ದಾರೆ.

  ಸೋಮವಾರ ಸಂಜೆ ಎನ್‌‌ಕೌಂಟರ್‌‌ ನಡೆಸಿದ ಭದ್ರತಾ ಪಡೆಗಳು ಲಷ್ಕರ್​ ಎ ತೊಯ್ಬಾದ ಉನ್ನತ ಕಮಾಂಡರ್​ ಸಜ್ಜಾದ್​​ನನ್ನು ಹತ್ಯೆಗೈದಿದ್ದರು. ನಂತರ ಪ್ರದೇಶಕ್ಕೆ ಧಾವಿಸಿದ ಪೊಲೀಸರು, ಸಿಆರ್ ಪಿಎಫ್ ಮತ್ತು ಸೇನಾ ಸೈನಿಕರು ಇಬ್ಬರು ಉಗ್ರರನ್ನು ಸದೆಬಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.

  ಬಳಿಕ ಉಗ್ರಗಾಮಿ ಸಂಘಟನೆಗೆ ನೂತನವಾಗಿ ನೇಮಕಗೊಂಡಿದ್ದ ಉಗ್ರನನ್ನು ಪೊಲೀಸರು ಬಂಧಿಸಿದ್ದಾರೆ.