ಬಾಲಿವುಡ್‌ ನಟ ಸಂಜಯ್‌ ದತ್ತ್‌‌ ವಿರುದ್ದ ಪಿಐಎಲ್‌‌‌ ಅರ್ಜಿ ದಾಖಲಿಸಲು ಹೈಕೋರ್ಟ್‌ ನಿರಾಕರಣೆ

•   Mon, Aug 17 2020 03:10:36 PM



• ಬೆಂಗಳೂರು, ಆ 17 (DaijiworldNews/PY): ಬಾಲಿವುಡ್‌ ನಟ ಸಂಜಯ್‌‌‌‌‌‌ ದತ್ತ್‌‌‌‌‌‌‌‌‌‌‌ ಅವರಿಗೆ ಕೆಜಿಎಫ್‌‌-2 ಸಿನಿಮಾದಲ್ಲಿ ನಟಿಸಲು ಅವಕಾಶ ನೀಡಿದ್ದರ ವಿರುದ್ದ ಕರ್ನಾಟಕ ಹೈಕೋಟ್‌‌‌ ಸೋಮವಾರ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಸಲ್ಲಿಸಲು ನಿರಾಕರಿಸಿದೆ.

  

  ಮುಂಬೈ ಬಾಂಬ್‌ ಸ್ಪೋಟ ಪ್ರಕರಣದಲ್ಲಿ ಶಿಕ್ಷೆಗೆ ಒಳಗಾಗಿರುವ ಸಂಜಯ್‌ ದತ್ತ್‌ ಅವರನ್ನು ಹೋಬಾಳೆ ಫಿಲ್ಮ್ಸ್‌‌‌‌‌ ಚಿತ್ರದಲ್ಲಿ ನಟಿಸಿರುವ ಬಗ್ಗೆ ರಾಜ್ಯದ ಜನರು ವಿರೋಧಿಸುತ್ತಿದ್ದಾರೆ ಎನ್ನುವ ಕಾರಣಕ್ಕೆ ಈ ಅರ್ಜಿ ಸಲ್ಲಿಸಲಾಗಿದೆ.

  ಸಂಜಯ್‌‌ ದತ್ತ್‌ ಅವರು ಕನ್ನಡ ಸಿನಿಮಾಗಳಲ್ಲಿ ನಟಿಸಬಾರದು ಎನ್ನುವ ನಿಟ್ಟಿನಲ್ಲಿ ಜಿ.ಶಂಕರ್‌‌‌ ಎನ್ನುವವರು ಚಲನಚಿತ್ರ ಬಿಡುಗಡೆ ಮಾಡದಂತೆ ತೀರ್ಮಾನ ಕೈಗೊಳ್ಳುವಂತೆ ಹೈಕೋರ್ಟ್‌ಗೆ ಅರ್ಜಿ ಸಲ್ಲಿಸಿದ್ದರು.

  ಮುಖ್ಯ ನ್ಯಾಯ ಮೂರ್ತಿ ಅಭಯ್ ಶ್ರೀನಿವಾಸ್ ಓಕಾ ಮತ್ತು ಅಶೋಕ್ ಎಸ್ ಕಿಣಗಿ ಅವರನ್ನೊಳಗೊಂಡ ವಿಭಾಗೀಯ ಪೀಠವು ಅರ್ಜಿಯ ವಿಚಾರಣೆ ಮಾಡಿದ್ದು, ನಟನ ವಿರುದ್ದ ಅರ್ಜಿದಾರ ಸಲ್ಲಿಸಿರುವ ಅರ್ಜಿಯಲ್ಲಿ ಸಿನಿಮಾದಲ್ಲಿ ನಟಿಸುವುದನ್ನು ನಿಷೇಧಿಸುವ ಬಗ್ಗೆ ಸ್ಪಷ್ಟವಾದ ಕಾರಣಗಳನ್ನು ನೀಡಿಲ್ಲ ಎಂದಿರುವ ಪೀಠ ಅರ್ಜಿಯನ್ನು ವಜಾಗೊಳಿಸಿದೆ.