ನಿಗದಿಯಂತೆ ಸೆಪ್ಟೆಂಬರ್‌‌‌ನಲ್ಲಿ ಜೆಇಇ, ನೀಟ್‌ ಪರೀಕ್ಷೆಗಳು ನಡೆಯುತ್ತವೆ - ಸುಪ್ರೀಂ ಕೋರ್ಟ್‌‌

•   Mon, Aug 17 2020 02:24:42 PM



• ನವದೆಹಲಿ, ಆ 17 (DaijiworldNews/PY): ಜೆಇಇ ಹಾಗೂ ನೀಟ್‌ ಪರೀಕ್ಷೆಗಳು ನಿಗದಿಯಂದೇ ನಡೆಯಲಿದೆ ಎಂದು ಸೋಮವಾರ ಸುಪ್ರೀಂ ಕೋರ್ಟ್‌‌‌‌ ಹೇಳಿದೆ.

  

  ಹೆಚ್ಚುತ್ತಿರುವ ಕೊರೊನಾ ಹಿನ್ನೆಲೆ ಜೆಇಇ ಹಾಗೂ ನೀಟ್‌ ಪರೀಕ್ಷೆಗಳನ್ನು ಮುಂದಕ್ಕೆ ಹಾಕಲು ಅರ್ಜಿ ಸಲ್ಲಿಸಲಾಗಿದ್ದು, ಈ ಅರ್ಜಿಯನ್ನು ಸುಪ್ರೀಂ ಕೋರ್ಟ್‌‌ ನಿರಾಕರಿಸಿದೆ. 11 ಮಂದಿ ವಿದ್ಯಾರ್ಥಿಗಳು ಪರೀಕ್ಷೆ ಮುಂದೂಡುವಂತೆ ಅರ್ಜಿ ಸಲ್ಲಿಸಿದ್ದರು.

  ಈ ಅರ್ಜಿಯ ವಿಚಾರಣೆಯನ್ನು ನಡೆಸಿದ ನ್ಯಾ.ಅರುಣ್‌ ಮಿಶ್ರಾ ನೇತೃತ್ವದ ಪೀಠ, ನೀಟ್‌ ಹಾಗೂ ಜೆಇಇ ಪರೀಕ್ಷೆಗಳು ನಿಗದಿಯಂತೆ ಸೆಪ್ಟೆಂಬರ್‌‌‌ನಲ್ಲಿ ನಡೆಯಲಿವೆ. ಅಲ್ಲದೇ, ಯುವ ಜನರ ಬದುಕನ್ನು ಸಂಕಷ್ಟಕ್ಕೆ ನೂಕಲು ಆಗುವುದಿಲ್ಲ ಎಂದು ತಿಳಿಸಿದೆ.