ಐದು ದಿನಗಳ ಮಾಸಿಕ ಪೂಜೆಗಾಗಿ ಮತ್ತೆ ತೆರೆದ ಶಬರಿಮಲೆ ಅಯ್ಯಪ್ಪ ಸ್ವಾಮಿ ದೇವಸ್ಥಾನ

•   Mon, Aug 17 2020 11:18:56 AM



• ಕೇರಳ, ಆ 17 (DaijiworldNews/PY): ಚಿಂಗಂ ಎಂದು ಕರೆಯಲ್ಪಡುವ ಮಲಯಾಳಂ ತಿಂಗಳಿನಲ್ಲಿ ಐದು ದಿನಗಳ ಮಾಸಿಕ ಪೂಜೆಗಾಗಿ ಆ.16ರ ಭಾನುವಾರ ಶಬರಿಮಲೆ ಅಯ್ಯಪ್ಪ ಸ್ವಾಮಿ ದೇವಸ್ಥಾನವನ್ನು ಮತ್ತೆ ತೆರೆಯಲಾಗಿದ್ದು, ಆ.17ರ ಸೋಮವಾರ ಬೆಳಗ್ಗೆಯಿಂದ ಪೂಜೆ ಆರಂಭವಾಗಿದೆ.

  

  ಮಾಸಿಕ ಪೂಜೆಯ ನಂತರ ಆಗಸ್ಟ್‌ 21ರ ಸಂಜೆ ದೇವಾಲಯ ಮುಚ್ಚಲಾಗುತ್ತದೆ. ದೇವಸ್ಥಾನಕ್ಕೆ ಯಾರು ಭೇಟಿ ನೀಡಿತ್ತಾರೋ ಅವರು ಕೊರೊನಾ ನೆಗೆಟಿವ್‌‌ ಸರ್ಟಿಫಿಕೇಟ್‌ ಅನ್ನು ಹೊಂದಿರಬೇಕು ಎಂದು ದೇವಸ್ವಂ ಮಂಡಳಿ ತಿಳಿಸಿದೆ.

  ಅಯ್ಯಪ್ಪ ಸ್ವಾಮಿಗೆ ಚಿಂಗಾಂ ತಿಂಗಳಿನಲ್ಲಿ ಐದು ದಿನಗಳ ಪೂಜೆ ನಡೆಯಲಿದೆ. ಈ ನಡುವೆಯೂ ಕೂಡಾ ಕೊರೊನಾ ಮಾರ್ಗಸೂಚಿಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕು ಎಂದು ದೇವಸ್ವಂ ಮಂಡಳಿಗೆ ಅಧಿಕಾರಿಗಳು ಸೂಚಿಸಿದ್ದಾರೆ.

  ಆಗಸ್ಟ್‌ 29ರಿಂದ ಸೆಪ್ಟೆಂಬರ್‌‌ 2ರವರೆಗೆ ಓರ್ಣ ಪೂಜೆಯ ಸಲುವಾಗಿ ಅಯ್ಯಪ್ಪ ದೇವಸ್ಥಾನವು ಪುನಃ ತೆರೆಯಲಿದೆ. ನವೆಂಬರ್‌ 16ರ ನಂತರ ಎರಡು ತಿಂಗಳ ತನಕ ದೇವಾಲಯ ತೆರೆಯಲಿದೆ ಎಂದು ತಿರುವಾಂಕೂರ್ ದೇವಸ್ವಂ ಮಂಡಳಿ ಅಧ್ಯಕ್ಷ ಎನ್ ವಾಸು ಹೇಳಿದ್ದಾರೆ.